O Cidade de As Burgas GLS cando suma puntos o fai a contagotas, pero a tempada se agota e un trunfo de tres puntos é cada vez máis importante. Ademais, unha vitoria vale dobre se se consegue ante un rival directo, como o AD Club Teldeportivo, ao que se enfrontarán o domingo, 21 de febreiro, ás 16:00 horas.
Nas últimas xornadas puidose ver a un conxunto ourensán máis competidor, que non logra vencer pero tampouco se da por vencido e presenta batalla aos seus rivais. Os contrincantes da metade inferior da táboa teñen que sufrir para puntuar ante o equipo de Manolo Codeso, que malia as melloras segue en postos de descenso.
Un exemplo foi o partido contra das tamén galegas do Viaxes Amarelle. O duelo entre coruñesas e ourensás rematou en empate, cun gol in extremis das herculinas no último minuto. Este resultado beneficia máis ao Cidade, xa que fai que as rivais non se desmarquen e permítelles seguir con opcións de salvar a categoría.
Pola súa parte, o Teldeportivo ven de sufrir unha derrota esta mesma semana, ao xogar xa en Os Remedios contra o Ourense Envialia (6-2).
O encontro poderá seguirse vía streaming no Youtube do Concello de Ourense.
O Cidade acadou o seu primeiro punto ante o Teldeportivo
O equipo de Codeso non tivo un bo inicio de tempada. O trunfo escapábaselles ás ourensás, que non foron quen de ganar ata a fin de primeira volta. Porén, antes diso sumaron o seu primeiro punto cun empate.
Precisamente este foi contra o propio Teldeportivo. Un 3-3 na cancha das canarias foi a primeira ocasión de sumar no seu casilleiro para ambos equipos. O Cidade tivo na súa man a vitoria, pero un gol local a falta dun minuto e medio para o final frustrou os seus plans.
Ese punto é o único que, a tal hora, sumou o conxunto teldense que no coñece a vitoria.
Desde entón, as ourensás foron quen de puntuar en tres ocasións máis. O seu primeiro duelo gañado chegaría un par de xornadas máis tarde, ante o Leganés, á fin da primeira volta. Xa neste 2021, o Cidade volveu sumar ante o Leganés outra vez, desta volta cun empate, e ante o xa mencionado Amarelle.
Porén, as colistas non volveron a sumar, sumando derrota tras derrota desde aquela sexta xornada, o que as deixa cun solitario punto.
Manolo Codeso: “Viñamos a gañar, pero este punto, á larga, será bo”
