O Ourense Envialia apenas tivo tempo de descanso entre o partido da décimo cuarta xornada e a recuperación da undécima ante o Teldeportivo. As ourensás perderon co Roldán, pero se desquitaron da derrota vencendo ás colistas cunha goleada 6-2.
A intensidade da competición neste tramo final, cunha apretada axenda pola acumulación de partidos, non foi un obstáculo para as ourensás, que gañaron sen complicacións a un equipo que non coñece a vitoria.
Como xa fixera na ida, o Ourense Envialia impuxo o seu xogo ao Teldeportivo, sumando dous puntos máis ao seu casilleiro. Desta formas, as de Morenín ocupan a cuarta posición con 21 puntos.
O Envialia marca o ritmo
O cadro galego foi quen de facerse co control do partido desde os primeiros compases, marcando un ritmo frenético e xogando a pracer.
Foron necesarios nove minutos, pero Jenny abriu a lata para as ourensás cun tanto no minuto nove e outro no 15, aínda que tres minutos antes do segundo da galega chegou o de Jessica, poñendo nun cuarto de hora o 3-0 no marcador.
Porén, o Teldeportivo soubo buscarle as cóxegas ao Envialia e tras o segundo tanto de Jenny chegou o primeiro das canarias, obra de Judith Dámaso.
A tensión aumentaba na pista dos Remedios e a velocidade do xogo aumentaba. No minuto 16 chegaría o cuarto gol ourensán grazas a María Arias, pasando dun 2-0 a un 4-1 en cuestión de dous escasos minutos.
Algo máis calmado chegou o tempo de descanso, tras o cal o conxunto local cambiou de plans. Na segunda parte as de Morenín saíron ao parqué con moita intensidade. Competindo con ataques longos pensados para aguantar máis tempo co balón, as tentativas de ataque galegas atoparon un muro na defensa visitante.
Pero o Teldeportivo non foi o suficientemente forte para evitar que as ourensás repetisen ante a porteira, con acertos nos minutos 24 e 29, con dous goles de Iria.
No tramo final o colista deuno todo para rascar un punto do empate, porque a remontada presentábase xa como imposible. Conseguiron un gol máis que sumar ao seu marcador no minuto 33, pero as canarias estaban xa lonxe das galegas.
A falta de cinco minutos conseguiron xerar algunha ocasión máis, pero o marcador xa estaba inamobible, deixando un contundente 6-2 a favor do Envialia.
1 DIV // P.APL.J.11 // OS REMEDIOS // 15/02 // OURENSE ENVIALIA FSF · @Teldeportivo (6 · 2)
Partido muy completo que nos permite sumar un +3 y vuelve a traernos esas buenas sensaciones
Goles: (2) @Jenny_Lores, (2) @Iriasaeta10, @mariaariasrod y @jessiquevalgo #ourensenvialia pic.twitter.com/3PN3JOLC3S
— Ourense Envialia FSF (@OUenvialiaFSF) February 16, 2021
FICHA TÉCNICA
6) OURENSE ENVIALIA: Vanessa Barberá, Moraima, Jessica, Laura e Marta Figueiredo – quinteto inicial -. Tamén xogaron: María Arias, María Estévez, Iría Saeta, Judith, Carmen, Susana e Jennifer.
2) TELDEPORTIVO: Marta, Paulita, Collado, Vanessa e Gallegos –quinteto inicial-. Tamén xogaron: Idoya, Montufo, Dámaso e Ticona
GOLES: 1-0; min. 9: Jennifer. 2-0; min. 12: Jessica. 3-0; min. 15: Jennifer. 3-1; min. 15: Judit Dámaso. 4-1; min. 16: María Arias. 5-1; min. 24: Iría. 6-1; min. 29: Iría. 6-2; min. 33: Montufo.
ÁRBITROS: Menéndez Mistal e Doval Rodríguez, do colexio galego. Sen amonestados
INCIDENCIAS: Partido correspondente á 11ª xornada do Grupo A da Primeira División Nacional Feminina de Fútbol Sala RFEF, disputado no Pavillón de Os Remedios de Ourense.
‼️Fútbol Sala Femenino
1ª División @SomosFutsal 11ª Jornada@OUenvialiaFSF vs Gran Canaria @Teldeportivo
➡️Crónica: https://t.co/n9uHsNpH0g@JuditDmaso y @montufofutsal autoras de los goles grancanarios#Teldeportivo #FutbolSalaFemenino #SomosFutsal
💛💙 pic.twitter.com/tei2RVIj2z— Teldeportivo (@Teldeportivo) February 16, 2021