- Neste European Féile haberá equipos chegados de cidades como: Berlín, Vannes, Luxembourg, Basel e Bruselas ademais dun combinado europeo, o GGE Team
- Esta cita deportiva inclúese no proxecto ‘Gaélico Escolas PuntoGal’ que busca a divulgación e formación desta modalidade entre os nenos e nenas
Este sábado, 27 de abril, o Campo de Montecastelo, no Concello de Vigo, acollerá o European Féile de fútbol gaélico 2024 nas categorías infantil e cadete mixtas. Neste torneo participarán 11 equipos chegados a Galicia desde diferentes puntos do Continente. Cinco deses clubs son galegos.
Tres das catro provincias galegas terán representación neste European Féile de fútbol gaélico 2024. Nesta competición farán parte os equipos: Boqueixón (Boqueixón – A Coruña), Esquíos F.G. (Toén – Ourense), IES Xelmírez I (Compostela – A Coruña), Keltoi Montecastelo (Vigo – Pontevedra) e O Resío Turonia (Vigo / Gondomar – Pontevedra). Todos eles estiveron competindo no torneo Pre – Féile que acolleu hai unhas semanas o Concello de Boqueixón.
O European Féile chega a Galicia para a disputa da súa terceira edición, logo das levadas a cabo en Bretaña (2022) e Berlín (2023), e o escenario escollido para o desenvolvemento da acción foi o Colexio Montecastelo (Vigo), até onde se desprazarán numerosos combinados europeos.
Berlín, Vannes, Luxembourg, Basel e Bruselas serán as cidades europeas representadas neste torneo, acompañadas do GGE TEAM (Gaelic Games Europe), un combinado conformado por nenos e nenas de diferentes clubs de toda Europa.
Todos estes equipos encadraranse en 3 grupos diferentes, medindo o diferente nivel dos conxuntos:
| GRUPO A | GRUPO B | GRUPO C |
| Keltoi | Brussels | Resío |
| Berlín | Xelmírez | GGE TEAM |
| Vannes | Basel | Esquíos |
| Luxembourg | Boqueixón |
Formato de competición do European Féile de fútbol gaélico 2024
O torneo xogase integramente en Montecastelo, Vigo. Para a fase de grupos pártese o campo de fútbol 11 en 2 campos de fútbol 8, e para as fases finais xogase no de fútbol 11, pero reducido (de área a área).
Os partidos disputaranse entre equipos de 7 xogadores cada un en formato liga, todos contra todos (dentro dun mesmo grupo) a unha soa volta. A vitoria valerá tres puntos, o empate 1 punto e a derrota 0. Esta fase de grupos comezará ás 9:45 horas e terminará sobre ás 14:00 horas.
Unha vez rematada a fase de grupos terán lugar os cruces posteriores que dependerán da clasificación de cada equipo. O cadro de equipos e horarios é o seguinte:
| PITCH A | |
| Horarios comezo | Partidos |
| 9:45 | Keltoi – Berlín |
| 10:15 | Resío – GGE TEAM |
| 10:50 | Brussels – Boqueixón |
| 11:20 | Keltoi – Vannes |
| 11:50 | Esquíos – Resío |
| 12:25 | Brussels – Basel |
| 12:55 | Keltoi – Luxembourg |
| 13:25 | GGE TEAM – Esquíos |
| 14:00 | Brussels – Xelmírez |
| PITCH B | |
| Horarios comezo | Partidos |
| 9:45 | Vannes – Luxembourg |
| 10:50 | Basel – Xelmírez |
| 11:20 | Berlin – Luxembourg |
| 12:25 | Boqueixón – Xelmírez |
| 12:55 | Vannes – Berlín |
| 14:00 | Basel – Boqueixón |
Tras a finalización da fase de grupos, ás 14:45 horas terá lugar a fase final.
Xogarase en primeiro lugar as semifinais Shield entre os primeiros e segundos do grupo C contra os terceiros clasificados dos grupos A e B. A continuación terá lugar o partido de consolación entre o terceiro clasificado do C cunha amalgama dos grupo A e B. Para rematar, disputaranse as semifinais restantes entre os primeiros e segundos dos grupos A e B.
Estes enfrontamentos darán uns vencedores da semifinal Shield, que xogará a final ás 16:45 horas e, unha final das outras semifinais, que rematará, ás 17:15 horas, co gañador do torneo.
Dado que estamos ante unha cita de deporte base, esta parte de convivencia con xogadores e xogadoras, que veñen de diferentes países, cobra unha especial relevancia. A competición, sendo importante, pasa a un segundo plano nestas idades nas que é importante compartir xogos, vivencias e a práctica deportiva con outras persoas. Esa promoción de valores está no xermolo do proxecto ‘Gaélico Escolas PuntoGal’.
Gaélico Escolas PuntoGal
O torneo European Féile intégrase no proxecto ‘Gaélico Escolas PuntoGal’ que nace á procura de formación e divulgación desta modalidade deportiva entre a rapazada.
Conscientes da importancia que isto ten na continuidade e supervivencia de calquera modalidade deportiva, o obxectivo principal deste proxecto que patrocina PuntoGal é fomentar a práctica do fútbol gaélico entre as nenas e nenos que se atopan en idade escolar, promovendo os valores que leva intrínsecos este deporte e formando futuros xogadores e xogadoras.
Exerce como anfitrión deste European Feile a Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal garántelle de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
