- O presidente da Deputación da Coruña, Valentín González Formoso felicita as xogadoras e o corpo técnico do Dépor ABANCA polo regreso á máxima categoría do fútbol feminino
O presidente da Deputación, Valentín González Formoso, recibiu no pazo provincial as xogadoras do Dépor ABANCA, que veñen de acadar o ascenso á Liga F, Primeira División do fútbol feminino español. Formoso felicitou a xogadoras, corpo técnico e directiva “por unha magnífica tempada, que remata co ansiado ascenso á máxima categoría”.
O presidente da Deputación da Coruña sinalou que “o vivido onte no estadio de Riazor foi unha boa mostra de que os coruñeses e as coruñesas apoian o fútbol feminino e que, sen dúbida, o Dépor ABANCA merece estar en primeira división”.
“Sodes un gran exemplo para todas as nenas da provincia, porque grazas ao voso esforzo e ilusión acadades grandes metas coma esta”, engadiu o presidente provincial.
O equipo branquiazul vén de acadar o ascenso matemático a falta dunha xornada, despois da vitoria contra o Cacereño ante máis de 14.000 persoas, o que supuxo un récord de espectadores para un partido da segunda categoría. Desta forma, o Dépor ABANCA volve á elite do fútbol feminino tres anos despois do descenso.
Ver esta publicación en Instagram
