- Bruxelas impúxose na final ante Boqueixón, nesta European Féile 2024, cita integrada no proxecto ‘Gaélico Escolas PuntoGal’ que se disputou no Campo de Montecastelo.
- O torneo contou coa participaron de ata cinco equipo galegos con representación do Boqueixón, Esquíos F.G., IES Xelmírez I, Keltoi Montecastelo e O Resío Turonia.
O Campo de Montecastelo de Vigo foi este sábado, 27 de abril, testemuña do torneo máis importante da base do fútbol gaélico europeo, o European Féile de categoría infantil e cadete.
Esta cita, que contou con ata cinco equipos galegos, foi toda unha festa para a rapazada galega que practica esta modalidade deportiva da man das ‘Gaélico Escolas PuntoGal’ da Asociación Galega de Fútbol Gaélico.
Boqueixón, Esquíos F.G, IES Xelmírez I, Keltoi Montecastelo e O Resío Turonia derónse cita na localidade viguesa, onde compartiron torneo cos combinados das cidades europeas Berlín, Bannes, Luxembourg, Basel, Bruselas e o equipo GGA TEAM, conformado por nenos e nenas de diferentes clubs de todas Europa.
Bruselas vence na final do European Féile a Boqueixón
Bruxelas foi o equipo vencedor deste torneo, vencendo ao conxunto galego do Boqueixón.
Nas semifinais, Bruxelas venceu a Berlín e na eliminatoria, Boqueixón impúxose ante Keltoi.
Resío caeu en semifinais Shield contra Vannes, mentres que Esquíos e Xelmirez xogaron o partido de consolación.
Alexandre Sanmartín ‘Jano’, responsable das Seleccións Galegas de fútbol gaélico e coordinador xeral das ‘Gaélico Escolas PuntoGal’ explica que “tivemos a sorte de poder contar en Galicia cun torneo europeo de fútbol gaélico” e amosouse “moi contento porque un dos nosos equipos conseguiu chegar á final e pola boa imaxe que en xeral deron os conxuntos galegos na competición”. “É un paso máis adiante no proxecto de introdución do futbol gaélico en Galicia”, afirmou.
Pola súa parte, Miguel Otero, presidente do Keltoi, club anfitrión, comentaba que ”tivemos partidos de gran intensidade, creo que os equipos galegos fixeron un campionato extraordinario”. “Creo que foi unha experiencia moi positiva para todos”, indicou.
A competición do European Féile
O torneo xogouse integramente en Montecastelo, Vigo. Para a fase de grupos partiuse o campo de fútbol 11 en 2 campos de fútbol 8, e para as fases finais xogouse no de fútbol 11, pero reducido (de área a área).
Os partidos disputáronse entre equipos de 7 xogadores cada un en formato liga, todos contra todos (dentro dun mesmo grupo) a unha soa volta.
Unha vez rematada a fase de grupos tiveron lugar os cruces posteriores que dependeron da clasificación de cada equipo. Logo da fase de grupos realizáronse os cruces posteriores segundo a clasificació, disputándose unhas semifinais entre os gañadores dos grupos A e B, e unhas semifinais Shield entre os primeiros e segundos do grupo C contra os terceiros clasificados dos grupos A e B.
A continuación tivo lugar o partido de consolación entre o terceiro clasificado do C cunha amalgama dos grupo A e B, e, para rematar, disputáronse as semifinais restantes entre os primeiros e segundos dos grupos A e B.
Dado que estamos ante unha cita de deporte base, esta parte de convivencia con xogadores e xogadoras, que veñen de diferentes países, cobra unha especial relevancia. A competición, sendo importante, pasa a un segundo plano nestas idades nas que é importante compartir xogos, vivencias e a práctica deportiva con outras persoas. Esa promoción de valores está no xermolo do proxecto ‘Gaélico Escolas PuntoGal’.
A nivel personalidades, estiveron na entrega de trofeos Jarlath Burns (presidente GAA, federacion irlandesa), John Murphy (presidente GGE, federacion europeoa continental) Manel Fernandez (concelleiro deportes Vigo), Jose Manuel Fernandez (vicepresidente RFGF) e Miguel Angel Otero (presidente Keltoi).
Gaélico Escolas PuntoGal
O torneo Pre – Féile disputado en Boqueixón esta fin de semana intégrase no proxecto ‘Gaélico Escolas PuntoGal’ que nace á procura de formación e divulgación desta modalidade deportiva entre a rapazada.
Conscientes da importancia que isto ten na continuidade e supervivencia de calquera modalidade deportiva, o obxectivo principal deste proxecto que patrocina PuntoGal é fomentar a práctica do fútbol gaélico entre as nenas e nenos que se atopan en idade escolar, promovendo os valores que leva intrínsecos este deporte e formando futuros xogadores e xogadoras.
A Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal lle garante de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
