O Dépor ABANCA certifica o seu ascenso vencendo no Estadio ABANCA Riazor diante de miles de afeccionados que acudiron a apoiar As Nosas deportivistas. O equipo que adestra Irene Ferreras regresa á máxima categoría onde xa tiña militado anos atrás. Presenciaron a gloria branquiazul 14.057 persoas na bancada.
Se o curso pasado o premio gordo se lles escorregaban entre os dedos As Nosas deportivistas esta vez as coruñesas conseguiron o seu obxectivo. Un merecido triunfo 3-1 ante o Cacereño Femenino era o último selo que precisaba o pasaporte das galegas logo dunha tempada na que demostraron ser merecedoras do ascenso de categoría.
Antes de que se cumprira o primeiro minuto de xogo o Dépor ABANCA mandaba o seu primeiro disparo a porta. Foi a capitá, Cris Martínez, que chegou pola dereita. Sen gran perigo pero deixando claras as intencións de ir polo parttido desde os primeros compases. Aos tres minutos, primeiro córner. E así unha chegada tras outra durante os cinco primeiros minutos. O Cacereño ía safando o perigo.
Correu o reloxo e seguíu o mesmo guión. Dominio do Dépor ABANCA sen obter a recompensa do gol e un par de chegadas febles do Cacereño Femenino.
Non ver porta non se traduciu en impaciencia, nin en precipitacións do Dépor ABANCA que se mantivo fiel ao seu xogo e ao seu plan de partido.
Irene Ferreras estaba de pé na área técnica pero sen ter que facer excesivas correccións. Detalles deposición nalgún momento e pouco máis.
A piques de chegar ao descanso, no 43, un balón colgado á área foi rematado con perigo, aínda que o remate de Inés Altamira marchou fóra foi lambendo o pau esquerdo da meta defendida por Delia Baz. O cento foi de Ainhoa Marín que subiu por banda esquerda do ataque deportivista e enviaba o esférico para Inés Altamira que se tiña incorporado ao ataque.
Co tempo cumplido da primeira parte e marcando 3 de engadido o equipo arbitral, a propia Ainhoa Marín adiantaba ás deportivistas co 1-0. Chegaba o premio do gol nun deses momentos que chaman psicolóxicos.
1. Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
2. Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
3. O Dépor ABANCA celebra anotar un gol ao Cacereño Femenino en Riazor / WYKAZSZKOWSI
O Dépor ABANCA celebra anotar un gol ao Cacereño Femenino en Riazor / WYKAZSZKOWSI
4. Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
5. Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
Ainhoa Marín, futbolista do Dépor ABANCA celebra gol ao Cacereño Femenino en Riazor / WYKAZSZKOWSI
Logo do paso por vestiarios saiu con ganas o Cacereño Feminino pero un tiro cruzado a media altura de Millene perforaba a meta rival no minuto 51 colocando o 2-0 no electrónico de Riazor e confirmando a candidatura firme das deportivistas para pechar o su ascenso nesta xornada 25.
O segundo tanto do Dépor ABANCA animou á bancada que alentou ás galegas con máis folgos. Tanto que acabaron facendo a onda varios minutos.
⚽ #Futbol / 2-0 en Riazor no partido da #PrimeraFederación entre @RCDeportivoFem 🆚 @CacerenoFem
📌 Marca Millene o segundo.
➡️ #Riazor faille a onda a #AsNosas #SentímoloNoCorazón 💙 pic.twitter.com/J0o14ElNFe
— As Nosas – Xornal Deportivo (@asnosasdeportes) April 21, 2024
Botouse máis arriba o Cacereño Femenino á procura da remontada o que deu máis metros a dúas xogadoras como Ainhoa Marín e Millene que xogan moi cómodas nese tipo de fútbol e que montaron bos contragolpes para o Dépor ABANCA.
Minuto 71, penalti sobre Ainhoa Marín que sanciona a colexiada apuntando ao punto de cal. Tira a pena máxima Millene e transforma o 3-0.
⚽ #Futbol / 3-0 en Riazor no partido da #PrimeraFederación entre @RCDeportivoFem 🆚 @CacerenoFem
📌 Gol de Millene de penalti.#AsNosas #SentímoloNoCorazón 💙 pic.twitter.com/goZ1HSBh6D— As Nosas – Xornal Deportivo (@asnosasdeportes) April 21, 2024
Non renunciou ao ataque o equipo deportivista e a adestradora Irene Ferreras deu entrada a xogadoras máis frescas para afrontar atope de gas o minutos finais. Sabia nova como a de Eva Dios, Carlota ou a zagueira de Carballo Elena.
Anotou o gol da honra no tempo engadido o Cacereño Femenino 3-1 (min. 92) aproveitando un erro da defensa local,
Tivo Ainhoa Marín un par de ocasión no tempo extra. Unha delas man con man con Eva Dios.
Co pitido da colexiada desatouse a festa na grada e no tepe. As xogadoras deportivistas tiñan unha camiseta alegórica. Ás deportivistas deron unha volta a todo o estadio ABANCA – Riazor que cantou, bailou e botuo con elas gozand da festa do ascenso.
FICHA TÉCNICA
3) DÉPOR ABANCA: Yohana, Cris Martínez, Inés Altamira, Raquel, Sara, Henar, Lucía, Paula, Ainhoa Marín, Charle e Millene. Para os cambios entraron Laurina, Samara, Eva Dios, Elena e Carlota.
1) CACEREÑO FEMENINO: Delia Baz, Leivis Ramos, Mireia Masergur, Lucía Boyero, Midori Yoshimura, Manoly Vaquerizo, Mª Jesús Becerra, Larissa Danielle, Sonya Keefe, Karla Riley e Nora de Torres. Para os cambios entraron María Hernádez, Hannah Kroupa, Becky Cassin, Carmen Acedo.
GOLES: 1-0: (min. 45) Ainhoa Marín. 2-0: (min. 51) Millene. 3-0: (min. 71) Millene. 3-1: ( min. 92) .
EQUIPO ARBITRAL: Nuria Sánchez García (Comité castellán-manchego) auxiliada nas bandas por Noelia Badía González (Comité valencián) e Celia Madrid Martínez (Comité murciano).
INCIDENCIAS: Partido correspondente á xornada 25 da Primera Federación disputado no Estadio ABANCA-Riazor. No palco de autoridades, ademais de directivos do club, estiveron representantes de diferentes institucións como a alcadesa da Coruña, Iñés Rey, o conselleiro de Presidencia, Xustiza e Deportes, Diego Calvo, o secretario xeral para o Deporte, José Ramón Lete Lasa, o alcalde de Abegondo, Santiso Miramontes, ou a concelleira de Turismo, Comercio e Hostalería da Coruña Diana , entre doutras autoridades. Debido a que o partido se xogou ás 12:00 da mañá e sol, houbo pausas para a hidratación.
14.057 persoas presenciaron o partido desde a bancada.
6
