Quen somos As Nosas

 

As Nosas son, todas as mulleres que protagonizan as informacións que neste espazo dixital se recollen. Pero se o que vos preguntades é quen elaboramos as novas, reportaxes, entrevistas e crónicas que podedes atopar neste site chamado www.asnosas.gal, velaí as persoas que compoñen o noso equipo de redacción.

 

Equipo de As Nosas
Redacción As Nosas

Directora

Silvia Carregal (A Coruña, 1973)

Silvia Carregal

Licenciada en Xornalismo e máster en xornalismo dixital.

En 1994 iniciu súa andaina como xornalista deportiva. Ten traballado en televisión, prensa, radio, medios dixitais e axencias, asumindo diferentes responsabilidades entre das que estivo a de xefa de deportes.

Nos anos oitenta participa, como xogadora, na fundación do Sal-Lence Fútbol Sala.

Como xornalista puxo en marcha o espazo Ellas También Juegan adicado á visibilización do papel da muller no deporte en Galicia.

En 2013 o colectivo MUDEGA (Mulleres Deportistas Galegas) premia a súa traxectoria xornalística pola achega á hora de visibilizar o deporte feminino galego. Por iso dirixir As Nosas supón un reto para o que levaba tempo traballando.

Na súa formación multidisciplinar figuran tamén outras titulacións como Graduado Social (USC), Técnico Superior en Producción de Audiovisuais, espectáculos e radio (EIS A Coruña) ou Técnico Especialista en Informática de Xestión, entre doutras.

 

 

Equipo de redacción

Carmen Gómez (A Coruña, 1998)

Graduada en Xornalismo pola USC, cun TFG inspirado no colectivo As Xornalistas Galegas.

Socia do Dépor desde 2011, comezou no 2016 no ámbito da comunicación deportiva colaborando con Somosdepor. Máis adiante estivo durante o verán do 2019 e o de 2020 en La Voz de Galicia.

Agora, en As Nosas, un proxecto que xunta a súa afección polo deporte e pola visibilización da muller en todos os ámbitos.

 

 

 

 

Colaboradores habituais

Iago Cerezuela (A Coruña, 1991)

Iago Cerezuela

Licenciado en Comunicación Audiovisual e máster en xornalismo deportivo. Nivel 2 de adestrador de fútbol.

En 2010 deu os seus primeros pasos no xornalismo deportivo cun programa de radio e un blog adicado ao fútbol. Catro anos máis tarde, colabora en Marca como redactor, na sección do Real Madrid.

Na tempada 2017-18 adestra ao equipo infantil B do Trival Valderas de Alcorcón. Xogador dos modestos do CD Calasanz e da Agaela FS da liga local de fútbol sala da Coruña.

 

 

 

Carolina Regueira (A Coruña, 1985)

Carolina Regueira

Licenciada en Xornalismo pola USC con máis de 12 anos de experiencia no sector da comunicación.

Comezou no 2007 como redactora de información local e desde entón tamén formou parte de equipos de comunicación en empresa privada e administración pública.

Moi vencellada ao mundo das redes sociais e ao márketing dixital con título de community manager.

Declárase abertamente feminista e sempre estivo implicada á visualización da muller en todos os ámbitos.

 

 

 

Martín Pais (A Coruña, 1992)

Politólogo de profesión, fotógrafo de vocación. Máster en Comunicación Política.

Combina a tarefa diaria como xefe de gabinete de prensa e a xestión de Redes Sociais, coa elaboración de información deportiva en As Nosas.

Un soño? Dicir deporte e que non exista a necesidade de acompañalo co adxectivo ‘feminino’.

 

 

 

 

Iñigo Rolán (Verín, 1997)

Iñigo Rolán

Rematando o Dobre Grao de Xornalismo e Comunicación Audiovisual.

Ligado ao xornalismo e fotografía deportiva desde fai oito anos, realizando crónicas do RC Deportivo para diversos blogs.

Estivo durante catro meses exercendo como fotógrafo de La Voz de Galicia en Ourense.

Xogador dos modestos do Racing San Lorenzo.

 

 

 

Natalia Pablo (Carral, 1992)

Natalia Pablo, xornalista / AS NOSAS

Graduada en Xornalismo pola Universidade de Santiago de Compostela. Exerce desde hai media década a profesión. Primeiro en medios como Televisión de Galicia e La Voz de Galicia, e, agora, como responsable de prensa de diferentes institucións en Ártabra Comunicación.

Nadadora e mergulladora nos seus tempos mozos. Especialización en comunicación con enfoque social para que, algún día, alcancemos unha igualdade real.

 

 

 

Álex Vázquez (Friol, 1997)

Álex Vázquez / ÍÑIGO ROLÁN

Nado en Narla aló polo 97. Xornalista de corredoiras e namorado do deporte. Antes cubrindo ao CD Lugo en VAVEL e no xornal El Progreso.

Partícipe orgulloso do proxecto Mundo Esférico. Agora, en As Nosas.

 

 

 

 

 

Clara Carreira (Oroso, 1994)

Clara Carreira / ENE IRIMIA

Graduada en Xornalismo. Master en Xornalismo Político Internacional e posgrado en Comunicación Política.

Antes en medios como Televisión de Galicia ou Radio France Internationale.

Agora comunicando desde diferentes institucións en Ártabra Comunicación.

 

 

 

 

Fran García (As Pontes, 1991)

Fran García Currás / AS NOSAS

Graduado en Xornalismo pola Universidad de Santiago de Compostela (USC) e másters de Xornalismo Deportivo e Dirección de Marketing Dixital.

O seu primeiro contacto co mundo do xornalismo deportivo foi como colaborador na web dedicada ao RC Deportivo de la Coruña Riazor.org. Actualmente, xestiona gabinetes de comunicación institucionais en Ártabra Comunicación.

Antes, traballou na delegación de Ferrol da Voz de Galicia, no departamento de comunicación de Gol Televisión en Barcelona, e no departamento de prensa da Federación Galega de Fútbol.