- A Copa Galicia feminina de fútbol sala viaxa cara a vitrina do Poio Pescamar FS que levou a final do torneo nun partido que constituiu, ademais, un novo ‘derbi da ría’.
O conxunto poiense conquistou este Xoves Santo o seu cuarto título autonómico tras derrotar nunha grandísima final e na prórroga ao ENCE Marín Futsal (1-2).
OLA @PoioPescamarfs!!
Temos a sensación de que será un Xoves Santo moi longo en Poio…
Aquí van unhas FOTOS que vos gustarán…#CopaGalicia | #MarínPoio pic.twitter.com/cS3B9g3vIU
— Futsal RFGF (@FutsalRFGF) March 28, 2024
Un tanto de Rocío Gómez nos primeiros compases do tempo extra bastou para que o elenco preparado por Luis López-Tulla alcanzara a gloria no Polideportivo Príncipe Felipe de Pontevedra ante máis dun milleiro de espectadores nas bancadas na que foi, sen dúbida, a gran festa do futsal feminino galego.
⚽ ℂℙ ℂ⚽
➖ de nuestro equipo.
➖ de nuestra afición.#
¡¡¡ , ́ ❗❗❗
#xuntadegalicia #concellodemarin pic.twitter.com/NkLjOr3GSl
— Marín Futsal (@marin_futsal) March 28, 2024
O que había en xogo quedou patente desde o bocinazo inicial. Ritmo, electricidade, intensidade e unha continuo toma e daca entre dous finalistas cun claro obxectivo: converterse nas raíñas do fútbol sala galego.
As primeiras en avisar foron as futbolistas adestradas polo técnico Luis López-Tulla cun disparo que pegou no traveseiro e con outro zapatazo de Ale de Paz que mandou a córner Patri Arruti cando aínda non se cumpriu o minuto 5 da primeira parte.
O Poio Pescamar apertaba e o ENCE Marín Futsal non estaba cómodo no partido. As futbolistas adestradas por Ramiro Díaz apenas se aproximaban á meta defendida por Elena. O conxunto conserveiro seguía insistindo e axexando a meta local ata que Irene García, a falta de sete minutos para o descanso, desataría a tolemia na bancada vermella ao poñer por diante ás súas cun zapatazo desde fóra da área.
O tanto fixo dano nas ringleiras do ENCE Marín Futsal, que se viu obrigado a remar contracorriente na gran final. Co 0-1 chegouse ao descanso en Pontevedra.
Tras o parón, o ENCE Marín Futsal foise arriba á procura do empate e o Poio Pescamar, pola súa banda, tamén saíu coa idea de encarrilar a contenda.
As deportistas que prepara Ramiro Díaz dispuxeron dunha boa ocasión tras unha gran acción individual de Débora que sacou a gardameta Elena.
Tamén avisaría Poio Pescamar no minuto 25 de partido cun disparo de Rocío Gómez que se foi ao lateral da rede cando en Pontevedra xa se cantaba o segundo tanto da gran final. A final estaba viva, moi viva, e máis cando Débora Lavrador foi quen de empatar o encontro a falta de 7 minutos para a conclusión ao superar a Elena nun man a man para desatar a tolemia na bancada marinense.
O gol de empate espoleu ás futbolistas do ENCE Marín Futsal que prepara Ramiro Díaz, que un minuto despois tiveron o 2-1 con outra acción de Débora, pero cruzou demasiado ante a saída de Elena.
A recta final do partido foi unha tolemia. ENCE Marín Futsal creceuse co empate, pero Poio Pescamar dispuxo dunha ocasión clarísima nas botas de Rocío Gómez a menos dun minuto para o final e cando ENCE Marín Futsal xogaba en inferioridade pola expulsión de Débora. Co empate (1-1) chegouse ao final do tempo regulamentario.
Tocaba prórroga para decidir quen erguía a Copa Galicia de futsalfem desta volta.
O Poio Pescamar que prepara Luis López-Tulla aproveitaría a superioridade numérica nos primeiros compases da prórroga para poñerse de novo por diante na final grazas ao tanto de Rocío Gómez no segundo pau.
Ese gol sería definitivo para que as poienses acabaran ocupando o trono do futsal feminino galego por cuarta vez na súa historia, tal e como informa a RFGF.
O festa das CAMPIOAS!!
O @PoioPescamarfs xa ten a súa cuarta Copa Galicia!!#CopaGalicia pic.twitter.com/Q15QoIQKOU
— Futsal RFGF (@FutsalRFGF) March 28, 2024
Ale de Paz, MVP da final da Copa Galicia
A futbolista Ale de Paz foi elixida a mellor xogadora da final da Copa de Galicia de fútbol sala feminino nesta edición de 2024.
, , !!@AledePazG, elixida mellor xogadora da gran final da Copa Galicia feminina#CopaGalicia | #MarínPoio pic.twitter.com/zza1O5Tflr
— Futsal RFGF (@FutsalRFGF) March 28, 2024
FICHA TÉCNICA
1) ENCE MARÍN FUTSAL: Patri Arruti; Débora Lavrador, Carolina Bravo, Café e Carolina Pedreira. Tamén xogaron María Estévez, Adriana García, Gi Portes, María Domínguez, Giba e Inés Mayán.
2) POIO PESCAMAR FS: Elena; Laura Uña, Ale de Paz, Martita e Rocío Gómez. Tamén xogaron Elena Aragón, Carla Ayensa, Irene García e Saki.
EQUIPO ARBITRAL: Adrián Figueroa Veiga, Álvaro Sobral Moreno e Clara Díez Gil. Cartón amarelo para Adriana por parte local e a Ale de Paz e Elena Aragón por parte visitante. Expulsaron por dobre cartón amarelo a Débora.
GOLES: 0-1 | Irene García, min. 13. 1-1 | Debora Lavrador, min. 32. 1-2 | Rocío Gómez, min. 41.
INCIDENCIAS: Final da Copa Galicia feminina de fútbol sala da RFGF disputada no Polideportivo Príncipe Felipe de Pontevedra ante un milleiro de espectadores. Ale de Paz foi elixida mellor xogadora da final.
Parabéns ao @marin_futsal pola extraordinaria final que nos brindou este xoves en Pontevedra
Cabeza arriba, EQUIPAZO!#CopaGalicia | #MarínPoio pic.twitter.com/XGDOBj0eZs
— Futsal RFGF (@FutsalRFGF) March 28, 2024
