- A Escola Galega de Adestradores da RFGF pon en marcha o curso Nacional A de fútbol sala. O prazo de inscrición xa está aberto ata o próximo 16 de abril
A Escola Galega de Adestradores da Real Federación Galega de Fútbol (RFGF) convoca un novo curso de formación na especialidade de fútbol sala para continuar a carreira da/o adestrador/a nesta tempada 2023/2024. O departamento que dirixe Iván Cancela continúa outro ano máis co seu compromiso de actualización e formación de técnicos de fútbol sala e pon en marcha o curso Nacional A.
O curso Nacional A é o terceiro chanzo da carreira dun adestrador no novo plan formativo da UEFA, unha vez que completa o Nacional B.
Este curso será semipresencial, con parte en liña a través da plataforma educativa Onformacion, parte presencial con Santiago de Compostela como sede e ABR (parte práctica do curso). Isto permitirá aos alumnos adaptar os seus horarios a unha formación de alta calidade, dispoñendo de quenda matutina e outra de tarde para favorecer a organización do alumnado.
Calendario, inscrición e convocatoria neste curso de adestrador/a
As actividades formativas comezarán o 19 de abril de 2024 e rematarán o 14 de xullo. O prazo de inscrición xa está aberto ata o 16 de abril. As persoas interesadas en inscribirse poden facelo premendo na seguinte ligazón que facilita a RFGF: INSCRICIÓN.
Segundo informan desde a Real Federación Galega de Fútbol tamén se pode consultar a convocatoria do curso na propia web da RFGF. E calquera información pode ser consultada no correo electrónico: escueladeentrenadores@futgal.es
