O próximo 20 (masculino) e 21 (feminino) de abril celebrarase a primeira proba do Circuíto Oira Praia 2024, organizado polo Club Voley Praia Milenio Ourense e puntuable para a clasificación do galego e o estatal.
“As categorías serán senior/SUB21 feminino e senior/SUB21 masculino. Será imprescindible ter a licenza e o seguro (data tome de tramitación 15/04/2024) deportivo en vigor para poder participar”, segundo informa a organización.
📰 | Novas: O Vólei Praia volve a Oira co I Torneo de Primavera do Club Milenio Ourense.
🏐⛱ O 20 de abril, para a categoría masculina, e o 21 de abril, feminina, terá lugar a primeira proba do Circuito Oira Praia 2024 para as categorías Sénior/Sub 21.https://t.co/g5oq5uN8Xz pic.twitter.com/RjYP53DnLX
— Federación Galega de Voleibol (@VoleiGalego) April 12, 2024
A proba estará aberta a todas as parellas federadas que se inscriban. A orde de entrada estará regulado polos puntos que cada parella teña acumulados na clasificación estatal o día 15 de abril de 2024. No caso de non ter puntos a orde de entrada determinarao a data de inscrición na proba.
Como inscribirse no Circuíto Oira Praia 2024
“A data máxima para poder inscribirse será o martes 16 de abril ás 20:00 h. A inscrición será de 30€ por parella (15€ persoa). As parellas vencedoras na primeira proba poderán realizar a inscrición gratis. Todas as persoas participantes disporán de auga e froita durante toda a competición”, explican desde o CVP Milenio de Ourense.
Para formalizar a inscrición, as parellas deberán realizar unha transferencia bancaria por importe de 30€, especificando o nome da parella e da proba no concepto. Unha vez realizada cubrirase o formulario: https://forms.gle/LuFG5cgBVz8SwfUA8 no cal haberá que anexar o xustificante bancario.
Se algunha parella, non consegue acceder ao formulario deberá poñerse en contacto a través do email cvpmilenio@gmail.com ou no teléfono 646923389.
Premios
Os premios, serán doados polas empresas colaboradoras e as parellas campioas dispoñerán de inscrición gratuíta, na seguinte proba que organice o CVP Milenio de Ourense.
“O organizador poderá realizar algunha modificación co fin de mellorar a proba; en calquera caso, as xogadoras e os xogadores serán debidamente informados”, aseguran desde o CVP Milenio de Ourense.
Para calquera dúbida ou información adicional (aloxamento, manutención…) desde a organización indícase que se contacte co club.
