No último suspiro do partido o Cidade de As Burgas viu como se lle escorrentaba entre dos dedos un triunfo que case acariñaban diante do Viajes Amarelle. Con todo, o adestrador das ourensás, Manolo Codeso, considera que este punto acadado na Coruña “á larga será bo. Non so polo noso punto senon por que non se nos marchen na clasificación. É verdade que viñamos coa intención de gañar e escapar dos postos de descenso, nos que aínda estamos, pero vendo o lado positivo, elas quédanse tamén so cun punto de marxe”.
“Sempre lles digo ás xogadoras que calquera punto en primeira é fundamental”, explica Manolo Codeso eu lamenta o resultado final dicindo: “é unha mágoa por que tivemos ocasión de levarnos os tres e estar máis cómodas e pensar no seguinte rival con máis calma. Agora non podemos fallar en casa e debemos tentar puntuar onde sexa”.
Para o adestrador das ourensás: “de aquí a final de tempada todos os puntos van ser moi complicados”.
Non lle falta razón xa que o conxunto verde ten por diante un duro traballo para conseguir manterse na elite do fútbol sala feminino estatal. Actualmente as xogadoras ourensás son penúltimas na táboa clasificatoria e están ubicadas a 11 puntos dos postos que outorgan a salvación. Se tiramos de calculadora debemos ter presente que quedan doce puntos en xogo de aquí á xornada 18 que será a que poña o punto final á Primeira División.
Codeso: “Foi un partido emocionante até o final”
Sobre o cruce coas coruñesas, Manolo Codeso, relata que o viu como “un partido moi emocionante até o final. Foi unha pena logo do ritmo de partido que fixemos. A clave estivo cando elas estiveron 1-2 e puidemos poñernos 1-3”.
De nada serve lamentarse do que xa pasou, por iso seguramente apunta o adestrador que “solo queda pensar en seguir traballando. Outra vez fomos desafortunadas no xogo de cinco. As xogadoras vanse un pouco tristes. Creo polo ritmo que puxemos de partido mereciamos os tres puntos. Esta vez saíu cruz pero esperemos que saia cara no seguinte e seguir confiando no que facemos”.
O técnico do Cidade, Manolo Codeso declaraba: “As xogadoras vanse un pouco tristes. Creo polo ritmo que puxemos de partido mereciamos os tres puntos. Esta vez saíu cruz pero esperemos que saia cara no seguinte e seguir confiando no que facemos”
O traballo de Lucía Nespereira en defensa na recta final do partido foi enorme e así o recoñecía o seu preparador que sinalaba sobre a futbolista do Cidade de As Burgas que aporta “tranquilidade e veteranía que a outras xogadoras aínda lles falta”.
Ver esta publicación en Instagram
Na opinón do técnico do Cidade de As Burgas o equipo que prepara merecía marchar da cidade herculina con maior premio. “Se te quedas cos últimos minutos é unha pena, da tristeza, pero xogamos 39 minutos impresionantes”, asegura. “Viñemos a Coruña a dominar e conseguímolo. Puxémonos por diante. Foi unha mágoa no poder anotar algunha desas ocasións, para xogar o xogo de cinco máis tranquilas. Estamos moi nerviosas nesa faceta ultimente”, admite o técnico galego.
O adestrador do Cidade de As Burgas, Manolo Codeso apunta: “Se te quedas cos últimos minutos é unha pena, da tristeza, pero xogamos 39 minutos impresionantes”
Con todo, Manolo Codeso miraba o lado positivo do partido e trasladaba a súa felicitación “ás miñas xogadoras polo traballo feito. Anímicamente, a ver se as levanto xa que elas pensan que xogaron mal por perder estos dous puntos. Todo o contrario. Eu prefiro empatar así xogando como xogamos e non xogando mal”.
Manolo Codeso asegura: “Prefiro empatar así xogando como xogamos e non xogando mal”
