O Poio Pescamar rematou quinto a primeira volta da última fase e agora chega o momento de colcoarse nunha das posicións do play-off polo título. O primeiro reto nesta segunda volta é vencer ao Torreblanca Melilla, no partido do sábado, 24 de abril, ás 18:00 horas.
Con este inicio da última parte da segunda fase, as galegas loitarán por estar entre os catro primeiros clubs e desquitarse do empate da primeira xornada.
O Poio empata un duro partido ante o Torreblanca Melilla (1-1)
Ademais, este é un duelo fundamental para o Poio Pescamar, xa que sendo quintas visitan ás cuartas clasificadas. Só un 0,111 de coeficiente separa a melillenses e pontevedresas, e xogando polo cuarto posto, o último para o play off polo título, este duelo será fundamental para o futuro de ambos clubs.
Na anterior xornada, as galegas sumaron unha vitoria vencendo por primeira vez como visitantes nesta segunda fase ante a AD Alcorcón por un 2-3. Pola súa parte, o Torreblanca caeu derrotado ante o Ourense Envialia, que sumaba así o seu primeiro trunfo desta fase final.
