O Envialia vence nun igualadísimo partido co Torreblanca (3-4)

Por fin chegou a vitoria. Despois de tres xornadas sen gañar, o Ourense Envialia foi quen non só de vencer ao Torreblanca Melilla, senón remontar o partido e rematar nun 3-4.

O emocionante duelo tan pronto tiña un líder como se igualaba, coas galegas a remolque na maior parte do tempo, ata os intres finais, decisivos na resolución do encontro.

“Tras o que está pasando esta tempada, con catro roturas de ligamento cruzado e moitas lesións musculares, as nenas merecen unha alegría de vez en cando”, declaraba ao remato do partido Morenín, adestrador das ourensás.

Non estaban a ter sorte as galegas nesta segunda fase. O Ourense Envialia é colista do grupo polo título, xa que desde a primeira xornada desta parte previa ao play-off, as de Morenín non lograban puntuar.

Pero o maleficio rompeouse en Melilla. Nada indicaba na previa que isto fora posible, xa que as xogadoras de Marcio Santos chegaba mellor posicionado e a priori con máis opcións.

Torreblanca vs Ourense Envialia / TORREBLANCA MELILLA

O Ourense Envialia foi de menos a máis

Con todo, desde o inicio do encontro puidose ver a un Envialia loitador sen descanso. O Torreblanca achegábase á meta galega con perigo e advertía do seu perigo cun tiro de Emilly freado por Vane. Á seguinte ocasión, Lydia non dubidou e puxo o 1-0 no marcador.

En lugar de virse abaixo, as ourensás aproveitaron unha contra para poñer o empate nun man a man con gol de Laura Uña. Co paso dos minutos, o dominio do partido inclinábase ao bando local, pero as visitantes non se quedaban atrás.

O seguinte tanto melillense chegaría tras unha xogada de Emilly e Bria, con pase da primeira á segunda que con confianza superou a Vane. Isto supuxo un soplo de enerxía para as de Santos, que aproveitaron o bo momento para marcar o terceiro, de novo con Emilly como cerebro da xogada, sendo desta vez a autora do tanto pouco antes do descanso.

Remontada na segunda metade

Co 3-1 o partido semellaba decidio, pero o Envialia aínda tiña moito por dicir. Tras a reanudación, as xogadoras de Morenín facían un man a man ante Patri avisando das súas intencións.

A tensión no duelo era cada vez maior, e Bia, no equipo do Torreblanca viu o cartón amarelo tras unha falta. Os ánimos nas locais seguían fortes, e María tivo a ocasión de poñer máis terra polo medio, pero Vale resolveu a ameaza sen problemas.

Menos acerto tivo a porteira rival na seguinte acción, cun gol preciso de Iria Saeta no minuto 25. Cos ánimos polas nubes, as ourensás só precisaron un minuto máis para poñer o empate no 3-3, despois dun saque de falta.

Como reacción, o adestrador local solicitou un tempo morto para salvar o partido no que o Envialia asomaba a cabeza para gañar.

Os últimos minutos foron un vaivén constante, cos nervios como protagonistas en ambos bandos. A falta de 10 minutos para o final, o empate seguía conxelado no marcador, xusto cando Judith viu a súa oportunidade de adiantar ás galegas.

Co seu gol pola escuadra, a balanza inclinábase por primeira vez do lado do Envialia, pero aínda quedaba un mundo por percorrer antes do pitido final. Xa á desesperada, as futbolistas do Torreblancan disparaban sen parar a unha Vane impecable, que saía airosa de cada tiro.

Desde o ataque, as de Morenín seguían aproveitando espazos para crear contras que aumentaran a súa vantaxe, pero sen maior éxito. Entón, Marcio Santos optou polo xogo de cinco, pero xa era tarde. O Envialia non freaba e cun 3-4 final, asina a súa primeira vitoria da segunda fase.

A valoración de Morenín

Tras o encontro, Morenín pasou polos micros do Torreblanca Melilla para analizar o partido. Na súa opinión, sobre a pista melillense puidéronse ver “dúas partes diferentes, creo que non saímos mal na primeira. Ata o un a un foi un partido correcto, sabíamos que ían ter máis o balón que nós e creo que nos fixo dano o 2-1 con bos minutos do Melilla, que nesta fase foi mellor”.

O adestrador apunta que en vestiarios aproveitaron para corrixir erros, “sobre todo a nivel mental”, e así “saímos moi enchufadas. O segundo gol deunos ás e no desorden do 5-4 saímos vencedoras”, remata.

Podes revivir o partido completo aquí:

Galería fotográfica

1 de 59

- +