Custou, pero o Poio Pescamar xa está metido entre os catro primeiros e na posición de bronce, cun coeficiente de 1,75 puntos que lle merece ser terceiro. Despois da vitoria ante o AD Alcorcón por un 2-3, as de Cossío son terceiras clasificadas do grupo polo título.
Na súa visita á pista das madrileñas, as conserveiras fixeron gala do dominio de balón, sendo superiores durante todo o encontro, non sen sufrir ante as locais.
Gol tempraneiro do Poio para marcar o ritmo
Non precisaron moito as futbolistas do Poio Pescamar para inaugurar o partido. Dous minutos foron o que tardaron en abrir a lata, cun gol obra de Luci aproveitando un despexe despois dun tiro seu a portería.
Dolidas polo tanto xusto ao inicio, as xogadoras do Alcorcón intentaron o propio ante Caridad, pero a gardameta galega resolveu sen complicacións unha dobre ocasión. Non se rendían as amarelas, que seguiron presionando ata empatar no minuto 5, cun gol de Estela Cantero.
Porén, as galegas seguiron levando o control do partido nos minutos posteriores e o segundo gol non se fixo esperar. Tras un saque de banda, Luci de novo superaba a meta local rematando un pase.
A falta de cinco minutos para o final, a tensión xogaba malas pasadas ao Alcorcón, que acumulaba cada vez máis faltas. Pola súa parte, o Poio de Cossío seguía creando ocasións, mentres que as madrileñas buscaban a igualada con Clara e a ourensá Vane Sotelo.
Segunda metade sufrida
O duelo semellaba xa decidido, pero o Alcorcón saiu renovado de vestiarios, disposto a loitar, ante un Poio desconcentrado.
Non necesitaron moito as galegas para afinazar a vitoria. O seu último gol subiu ao marcador visitante en canto se achegaron á portería rival, nunha ofensiva de Irene finalizada pola banda dereita por Ana Rivera (1-3).
Nos minutos finais, a protagonista no Poio foi Caridad, imprescindible baixo paos para evitar a remontada madrileña. Co pitido final a cinco minutos, chegou o segundo tanto do Alcorcón, que entón competía xa cun xogo de cinco. As locais tiveron o empate preto, pero a defensa das vermellas foi superior e os tres puntos da vitoria marcharon a Galicia.
Revive o partido dándolle ao play:
FICHA TÉCNICA
AD ALCORCÓN: Patri Arruti; Estela Cantero, Aída de Miguel, Irene Samper e Vane Sotelo -quinteto inicial-. Tamén xogaron: Estela (segunda portera), Ballesteros, Paula, Claudia López, Laura Oliva e Pepa.
POIO PESCAMAR: Caridad; Clara, Ana Rivera, Luci y Dani Sousa -quinteto inicial-. Tamén xogaron, Antía, Miriam, Chiesa, Irene e Dupuy.
GOLES: 0-1 Luci (min. 2); 1-1 Estela Cantero (min. 5); 1-2 Luci (min. 9); 1-3 Irene (min. 23); 2-3 Laura Oliva (min. 36)
ÁRBITROS: Mayo López e Panadero Díaz-Concha (col. madrileño). Recibieron tarxeta amarela Irene Samper do Alcorcón e Antía y Luci do Poio pescamar.
INCIDENCIAS: Partido correspondente á cuarta jornada del Subgrupo D de la Primera División Nacional Femenina de Fútbol Sala da RFEF disputado no pavillón de Los Cantos.
