As outras protagonistas da gran cita da Liga Feminina 2 é o Baxi Ferrol. Esta fin de semana o conxunto da cidade departamental recibe ao Celta Zorka Recalvi. Ángela Coello, do cadro celeste, xa deixou as suas percepcións para As Nosas. Agora é o momento para Natalia Rodríguez, a xogadora ferrolá que está a facer uns numerazos nos últimos encontros.
Por unhas amigas comezou no mundo do encestar un balón nunha canastra. Antes de chegar a Ferrol estivo no Agüimes, o equipo do seu pobo onde permaneceu dous anos e despois durante oito xogou no Club Baloncesto Islas Canarias.
– As Nosas: De onde te ven os dotes polo baloncesto?
Natalia Rodríguez: Venme sobre todo polas miñas amigas. Eu sempre fixen deporte. Comecei no atletismo, fixen natación, patinaxe, padel ata que nun verán as miñas amigas apuntáronse a un campus e convencéronme para ir. Lembro que o adestrador do campus díxome que me federada pero eu ao prinicipio dicía que non porque estaba en natación e piano, pero ao final logrou convencerme e aquí estou.
– As Nosas: Quén é a túa referente neste mundo?
Natalia Rodríguez: Non teño un referente claro pero desde pequena si que me fixei moito no estilo de xogo de Marta Xargay. E a nivel equipo fixeime moito na mecánica de tiro de Patri Cabrera.
– As Nosas: Levas tres tempadas no Baxi Ferrol. Que significa para ti o conxunto da cidade departamental?
Natalia Rodríguez: Para mín é o meu primeiro equipo fóra da casa, entón é o conxunto que me acolleu para ser profesional e ao final, síntome como en casa.
– As Nosas: Estás a facer uns bos números nos últimos partidos. Cal é a fórmula de Natalia Rodríguez?
Natalia Rodríguez: Ao final os números son números, pero creo que a fórmula secreta básase en traballo, traballo e máis traballo. Eu penso que ao ser estudante e xogadora de baloncesto fas un sacrificio extra e nos partidos soltas todo o que traballaches. Moitas veces ten o seu froito pero outras non tanto.
Natalia Rodríguez (Baxi Ferrol): “O Celta é un equipo que che pode sorprender en calquera momento”
– As Nosas: Levabades sete xornadas invicta. A semana pasada caestes por moi pouco ante Leganés. Como está o equipo despois desta derrota?
Natalia Rodríguez: O equipo iba a pola oitava consecutivas. Tiñamos na mente gañar a Leganés e sabíamos que non iba a ser doado porque na primeira volta elas non tiñan a unha das súas xogadoras máis importantes pero bueno o equipo sabe que nun encontro se pode tanto gañar como perder.
Non estivo do noso lado a vitoria pero eu creo que nos virá ben para poñernos as pilas xa que esto aínda non se rematou aquí e temos que gañar varios partidos para confrimar que estamos en postos de play off.
– As Nosas: Volvedes xogar un duelo galego. Esta vez contra o Celta Zorka Recalvi. Que é o que máis temedes do rival?
Natalia Rodríguez: É un equipo que che pode sorprender en calquera momento. Son un grupo moi traballador e teñen un bo plantel ademais dunha gran entrenadora como é Cristina Cantero. Entón bueno sempre xogar contra Celta é difícil. Nesta tempada imos un a un, xa que perdimos na Copa de Galicia e gañamos na ida da Liga. Así que a loitar a ver si se gaña.
– As Nosas: Elas tamén buscan o boleto para estar na fase de ascenso. Será un partido moi disputado?
Natalia Rodríguez: Sí, como xa dixen antes o Celta é un rival duro posto que ´son moi loitadoras e calquera das súas xogadoras que teñen, pódeche solucionar o partido. Sempre hai que ter moito coidado e ao final, ao ser un duelo galego vai a estar bastante intenso.
– As Nosas: Ancoradas na segunda posición. Veremos o ano que vén ao Baxi Ferrol na liga Endesa?
Natalia Rodríguez: Agora mesmo estamos na segunda posición como ben dixeches pero aínda queda moito por diante para acabar a Liga. E sí, ao final o obxectivo do Baxi Ferrol para este ano é rematar na Liga Endesa. Esperemos que así sea, pero polo de agora imos a loitar en todos estos partidos para estar en play off e chegar da mellor maneira posible.
