Non está a ser doado o arranque de competición para os tres equipos galegos da Liga Feminina Endesa. Esta fin de semana o primeiro en xogar será o Durán Maquinaria Ensino que recibe ao líder, o Valencia Básket. O domingo xogarán o Celta Zorka Recalvi, que visita ao tamén ascendido Hozono Global Jairis e o BAXI Ferrol que xoga na cancha do Cadí La Seu.
O Durán Maquinaria Ensino ten ante si o complicado reto de rematar coa condición de invicto do Valencia Básket que suma todos os seus partido como vitorias.
Ensino sen triunfos vs Valencia invicto
Pola súa parte, as galegas perdían na cancha do Lointek Gernika Bizkaia na primera xornada (71-57), e volvía tropezar en Lugo coa visita do Movistar Estudiantes (44-59). Así que as traxectorias destes dous equipos son totalmente opostas. As locais aspiran á terceira vitoria e seguir promediando a mellor defensa (con 50.5 puntos encaixados de media).
O partido está fixado para mañá sábado 14 de outubro ás 19:15 h e será transmitido polo CanalFEB.tv. Dispútase no Pabellón Municipal Fuente San Luis de Valencia coa arbitraxe de Paula Lema Parga, Ariadna Chueca Moreno e Fernando Ibáñez García.
Jairis vs Celta na mañá do domingo
O cruce matutino do domingo será entre o Hozono Global Jairis e o Celta Zorka Recalvi. O partido, transmitido polo CanalFEB.tv, dará comezo ás 12:30 horas. Este partido será arbitrado polos colexiados Carlos Javier García León, Juan Ramón Hurtado Almansa e Nicolás Murillo Khon e disputarase no Pabellón Jausto Vicent de Alcantarilla (Murcia).
O Celta Zorka Recalvi aínda non coñece o sabor do triunfo. Caía na primeira xornada co Valencia BC (76-47), na segunda xornada en Vigo recibía un duro 55-93 de parte do IDK Euskotren. Actualmente as celestes son o pechacancelas da categoría, mentres que o seu rival ocupa a 7ª praza con dous triunfos colleitados.
Trátase dun cruce entre os dous gañadores da F4 de LF Challenge coas de Alcantarilla aínda invictas e unha Arica Carter en estado de graza. As puplias de Cristina Cantero precisan un triunfo para sacar a cabeza.
O BAXI Ferrol no Twitch
O BAXI Ferrol colleitaba un triunfo na primeira xornada na cancha do Kutxabank Araski (66-71) e acariñaba a vitoria na casa ante o Lointek Gernika Bizkaia co que perdía de un punto na segunda xornada (63-64). Nesta segunda saída as xogadoras que adestra Lino López queren repetir o éxito da primeira xornada. Para esta ocasión terán como rival ao Cadí La Seu co que xogará a partir das 18:00 horas da tarde do domingo en Seu D’ Urgell.
As lousas de Lino López e Fabián Tellez, dous grandes técnicos desta Liga Feminina Endesa, estarán fronte a fronte. A canle de Twitch da FEB @BaloncestoESP será testemuña do duelo de adestradores.
No Palau Municipal D’Esports de Seu d’Urgell en Lleida arbitrarán desde as 18:00 horas do domingo Cristina Martín Vázquez, Cristina Adán Rodríguez e Jordi Villalta Domingo
LF ENDESA – JORNADA 3:
Sábado 14 de outubro de 2023:
- Perfumerías Avenida – Spar Girona (18:00 h) | Teledeporte
- IDK Euskotren vs Barça CBS (18:00 h) | Twitter (X) @BaloncestoESP
- Movistar Estudiantes – Lointek Gernika Bizkaia (18:00 h) | CanalFEB.tv
- E. Pajariel Bembibre vs SPAR Gran Ganaria (18:15 h) | CanalFEB.tv
- Kutxabank Araski vs Casademont Zaragoza (19:00 h) | CanalFEB.tv
- Valencia BC vs Durán Maquinaria Ensino (19:15 h) | CanalFEB.tv
Domingo 15 de outubro de 2023:
- Hozono Global Jairis vs Celta Zorka Recalvi (12:30 h) | CanalFEB.tv
- Cadí La Seu vs Baxi Ferrol (18:00 h) | Twitch @BaloncestoESP
