O futsal non escapa da COVID-19 e, despois de coñecer os casos no Poio Pescamar e no Pescados Rubén Burela, o Ourense Envialia anuncia que detectou un positivo no seu plantel. Todo o equipo comezará un período de corentena e o seu encontro ante o Teldeportivo queda aprazado.
Unha das futbolistas ourensás detectou síntomas do coronavirus e procedeu a realizar unha proba PCR. Cando obtivo o resultado positivo, o club do Ourense Envialia activou o protocolo correspondente. O resto das xogadoras está pendente de realizar os tests.
Esta non é a primeira vez que as xogadoras de Morenín deben pasar un illamento. O equipo ourensán non puido ter unha pretempada en condicións, e afectou ao seu inicio deste curso de futsal.
NOTICIA // 1ªDIV // SUSPENDIDO PARTIDO DEL SÁBADO ANTE @Teldeportivo POR UN POSITIVO EN EL PRIMER EQUIPO
No hemos podido escapar a lo que está sucediendo y nuestro primer equipo ha tenido que confinarse debido a un caso COVID¡Lo más importante volver todxs con la salud intacta! pic.twitter.com/DfvBXMkXBy
— Ourense Envialia FSF (@OUenvialiaFSF) January 21, 2021
O Envialia non poderá xogar a undécima xornada
O Ourense Envialia tiña previsto xogar esta fin de semana ante a AD Club Teldeportivo, no marco da undécima xornada da Primeira División do Fútbol Sala. Ante esta noticia, o encontro contra as colistas queda adiado e pendente de decretar unha nova data.
As futbolistas viñan de lograr tres puntos ante outras galegas, do Viaxes Amarelle, ás que se enfrontaron a pasada fin de semana na pista das coruñesas. Neste momento, as ourensás ocupan a cuarta posición no Grupo A, a sete puntos das líderes, o Futsi Atlético Navalcarnero.
Morenín: “Os tres puntos saben a gloria logo de todo o que nos está pasando”
