Novas caras, novos retos. O Dépor ABANCA segue a sumar efectivos de cara á tempada 2020-21, a súa segunda participación na Liga Iberdrola, máxima categoría do fútbol feminino español. Se hai futbolistas que cambian de aires, tamén hai novas incorporacións para o equipo deportivista. Así, Manu Sánchez contará coa central Stephannie Blanco para o próximo curso. A segunda fichaxe do equipo branquiazul procede de Costa Rica.
A cancerbeira Noelia Bermúdez foi a primeira fichaxe do equipo coruñés para a tempada próxima. A segunda tamén chega da Liga Deportiva Alajuelense.Stephannie Blanco Salazar (Talamanca, Costa Rica, 13 de decembro de 2000) converteuse en nova xogadora do Deportivo ABANCA para a tempada 2020-2021 segundo informou o club herculino.
A incorporación do RC Deportivo é “internacional costarriqueña en todas as categorías até a absoluta, deu o salto ao fútbol profesional aos 14 anos no Arenal de Coroado de San José, cando se trasladou á capital do seu país desde a rexión indíxena na que naceu a futbolista aborixe. Tras dous anos deu o salto ao ADFF Coroado”, relata o club coruñés.
Stephannie Blanco, unha central con olfato de gol
Xoga como central aínda que ten un importante olfacto goleador, xa que anotou 14 goles a pasada tempada e esta abriuna marcando aos 3 minutos do seu debut na Liga Deportiva Alajuelense. Ademais, este 2020 resultou seleccionada como titular no mellor 11 preolímpico da CONCACAF.
O Dépor ABANCA segue dando forma ao seu plantel de cara ao próximo curso. A fichaxe de Stephannie Blanco únese ao do seu compatriota Noelia Bermúdez e ás renovacións durante as últimas semanas de Sullastres, Peke, Athenea, Cris, Alba Merino e Noelia Villegas.
