Esher Sullastres compareceu este luns en rolda de prensa virtual e analizou a situación actual do conxunto galego nesta corentena debido ao COVID19. A gardamallas maña tamén fixo unha valoración sobre a posible saída de xogadoras importantes de cara a tempada que vén e recoñeceu que intenta falar galego un día á semana para practicalo e que non se perda.
Sullastres mostrouse moi agradecida ao Dépor por apostar por ela cando estaba nun momento moi delicado por mor das lesións e mostrase compresiva coas posibles ofertas de varios equipos a xogadoras con moito potencial como Tere ou María Méndez: “Son xogadoras con moita proxección, novas e que fixeron unha campaña espectacular. Entendo que teñan ofertas e que poidan tomar a decisión de irse. No caso de que o fagan, o proxecto segue sendo o mesmo. Eu estou moi a gusto no Dépor e moi agradecida de que apostasen por min cando estaba no pozo”.
Sullastres, porteira do Dépor: “Entendo que teñan ofertas e que poidan tomar a decisión de irse. No caso de que o fagan, o proxecto segue sendo o mesmo. Eu estou moi a gusto no Dépor e moi agradecida de que apostasen por min cando estaba no pozo”.
A cancerbeira falou do modelo que cre que debe seguir o club, destacando a figura de xente moi nova e con moito futuro como María Méndez ou Athenea: “O proxecto segue a ser ambicioso, de descubrir xente nova como este ano con Pecas ou Athenea. Xente que estaba en Segunda e de moito potencial”.
Sullastres, porteira do Dépor: “O proxecto segue a ser ambicioso, de descubrir xente nova como este ano con Pecas ou Athenea. Xente que estaba en Segunda e de moito potencial”.
Rexurdir tras más de un ano e medio parada
A xogadora de Zaragoza valorou esta tempada de debut na Liga Iberdrola moi positivamente e destacou que “foi espectacular para todas, é unha pena que se vaia a quedar a medias. Ao final estabamos aí cuartas, pelexando a terceira praza… e agora viña o máis bonito. Foi unha tempada positiva. Viña de máis de ano e medio parada e foi un pouco o rexurdir. Persoalmente creo que foi unha gran tempada con grandes remontadas e partidos inovidables. Esa alternancia na portería fai que non baixe os brazos e que teña que loitar polo posto e creo que saíu ben e alcancei un nivel bastante alto”.
Sullastres, porteira do Dépor: “Viña de máis de ano e medio parada e foi un pouco o rexurdir. Persoalmente creo que foi unha gran tempada. Esa alternancia na portería fai que non baixe os brazos e que teña que loitar polo posto e creo que saíu ben e alcancei un nivel bastante alto”.
“Non sei se ao final Misa vaise ir, pero se se vai e ten que vir alguén, recibirémola cos brazos abertos”
Precisamente, esa alternacia na porta con Misa foi un dos motivos do gran nivel demostrado por Sullastres esta tempada e falou deste xeito da relación que garda coa súa compañeira e competecia directa por un posto na portaría: “Levámonos ben, axudámonos no que faga falta. Síntome moi ben con ela e coas porteiras que viñan adestrar do filial. Formamos un bo grupo de adestramento e tiñamos a dinámica pillada. Foi unha rivalidade sa, boa competencia, ás veces xogaba unha e ás veces outra. Non se se ao final vaise a ir, non adoito estar pendente de rumores. Pero se se vai e ten que vir alguén, recibirémola cos brazos abertos”
Sullastres, porteira do Dépor: “Foi unha rivalidade sa, boa competencia, ás veces xogaba unha e ás veces outra. Non se se ao final vaise a ir, non adoito estar pendente de rumores. Pero se se vai e ten que vir alguén, recibirémola cos brazos abertos”
Eshter tamén tivo unhas verbas sobre a súa adaptación ao club galego e as ganas de superarse para conseguir un posto de titular: “Ao principio custoume un pouco. Sobre todo a nivel táctico ou a toma de decisións. É complicado, pero estaba tranquila porque é algo que se mellora co tempo. Agora estaba nun bo momento, tamén animicamente. A alternancia é normal. Non vou pedir ser indiscutible despois dun ano e medio de lesión. Iso fixo que queira ser titular e adestre co coitelo entre os dentes. Creo que agora estaba nun nivel bastante alto, a ver se o podo manter”.
Sullastres, porteira do Dépor: “Foi unha rivalidade sa, boa competencia, ás veces xogaba unha e ás veces outra. Non se se ao final vaise a ir, non adoito estar pendente de rumores. Pero se se vai e ten que vir alguén, recibirémola cos brazos abertos”
“Gústame ver que os adestramentos fan efecto”
Sobre o período de confinamento indica que “un bo deportista ten que adaptarse a calquera situación” e que logrou sacar partido ás cousas que tiña por casa (gomas, pesas…) para poñerse en forma. “Estamos a descubrir que fose do ximnasio pódese estar moi a ton. Teño moitas ganas de volver adestrar”, subliña. Pola súa banda, conta que o seu día a día é “moi aburrido. É agora o momento de meterlle cana ao músculo, de que se fatigue e estou a ver resultados. Eu son de constitución fina e gústame ver que os adestramentos fan efecto”, indica.
“Intento falar galego un día á semana”
Sullastres é unha namorada dos idiomas e da cultura. Demostrouno cunhas verbas en galego e recoñecendo que sempre que pode saca tempo para falar en galego co seu mozo: “Intento non esquecer o galego. Agora mesmo non estou na Coruña, pero no meu día a día téntoo practicar sempre con xente do club, sobre todo Miguel que me axuda moito. Estou en Zaragoza co meu mozo, que é galego, e practicámolo. Temos un día á semana para falar en galego os dous. Para que non se perda, rirnos e pasar o intre. Encántame. Sempre digo que aprender un idioma ábreche á cultura, á xente que vive nesa zona, a súa maneira de pensar e de vivir”.
Sullastres, porteira do Dépor: “Estou en Zaragoza co meu mozo, que é galego, e practicámolo. Temos un día á semana para falar en galego os dous. Para que non se perda, rirnos e pasar o intre. Encántame”.
En canto a os mellores momentos desta tempada, a maña recoñece que “hai dous que non vou esquecer. O debut ante o Espanyol en Abegondo e o debut en Riazor na Copa. Para o meu son momentos clave da tempada. A nivel individual o de Copa contra o Barça”.
Sullastres, porteira do Dépor: “Hai dous que non vou esquecer. O debut ante o Espanyol en Abegondo e o debut en Riazor na Copa. Para o meu son momentos clave da tempada. A nivel individual o de Copa contra o Barça”.
En canto ao modelo exprés proposto pola Federación para acabar coa competición, a xogadora maña afirma: “A todo o mundo encantaríalle acabar a tempada, pero ten que prevalecer a saúde propia. Se a RFEF decidiu isto será o correcto”.
Sullastres, porteira do Dépor: “A todo o mundo encantaríalle acabar a tempada, pero ten que prevalecer a saúde propia. Se a RFEF decidiu isto será o correcto”.
Ademais, tamén agradeceu o bo xesto do equipo masculino do Dépor, que co seu recorte salarial evitou un ERTE no club. “A primeira plantilla de equipo masculino portouse fenomenal e estamos moi agradecidas por iso”.
