A conexión do Cantábrico terá continuidade un ano máis nas filas do RC Deportivo ABANCA. O club branquiazul ven de confirmar a renovación de Athenea del Castillo a penas unas semanas despois de facelo con Peke. Deste xeito, a dupla atacante de moda no equipo que adestra Manu Sánchez seguirá ilusionando aos seareiros deportivistas unha campaña máis. A dianteira asinaba o seu contrato co presidente do RC Deportivo, Fernando Vidal Raposo.
Se Peke leva 14 goles en Liga. Athenea del Castillo leva dous e asina seis asistencias. So Tere Abelleira logra empatar con ela en número de pases de gol. Xuntas, Peke e Del Castillo conforman un dúo dinámico que fai as delicias da bancada coruñesa e son un auténtico pesadelo para as zagas rivais. A dianteira cántabra súmase ao proxecto do Deportivo ABANCA unha tempada máis, e renova pola entidade coruñesa ata xuno de 2021.
Athenea, titular en 13 partidos de Liga e 2 de Copa
A nove deportivista ten xogado como titular un total de trece encontros dos 20 que o Dépor ABANCA xa leva disputados deste a súa estrea na máxima categoría do fútbol feminino español. Ademais, Athenea del Castillo ten saído desde o banco noutros catro partidos máis. En total, xogou en 17 cruces da Primera Ibedrola.
Na Copa da Raíña, a dianteira que agora renova polo Dépor ABANCA xogou como titular os dous partidos do conxunto coruñés, tanto o de oitavos de final no ABANCA Riazor fronte ao Valencia CF Femenino (7-2). Neste cruce Athenea foi a que abriu o marcador. Tamén estivo no once de gala no cruce de cuartos de final no Estadi Johan Cruyff diante do FC Barcelona (1-0).
A xogadora deportivista, que o vindeiro mes de outubro cumplirá 20 anos, chegou ao equipo branquiazul o pasado verán procedente do CDE Racing Féminas.
