Amplia e cómoda victoria do Pescados Rubén Burela diante do Ourense Envialia por 6-1 nun amigable que ambas as dúas escuadras galegas disputaban esta mañá no concello lucense de Cervo. O Pavillón da Veiga, en San Cibrao (Cervo), acollía o choque de pretempada entre os dous clubs galegos que militan na máxima categoría do fútbol sala estatal.
Aínda que se adiantaron as de Ourense, a efectividade das de Burela diante da portaría, foi determinante para decantar o partido en minutos en canto as da Mariña abriron a caixa dos goles.
Andrea Feijoo abría o marcador para as de Morenín (0-1) no minuto 12 de xogo. Pero a alegría non durou moito, xa que no minuto 16 empataba Peque a pase de Cristina Pere (1-1).
Case sen tempo para á reacción das ourensás, Cilene anotaba o segundo para as Guerreiras Laranxas que lle daban a volta ao electrónico e puñanse por diante no marcador. A partir de aí, as da Mariña amosaron todo o seu poderío realizador.
No 19 de xogo o 3-1 o anotaba Jenny desde o segundo pau. Antes do descanso, aínda tería outra boa ocasión o Pescados Rubén cun dobre penalti que Sandra lle detivo a Jenny Lores.
No segundo período, logo da reanudación do encontro, houbo cambios en ambas as dúas portarías entrando na cancha Uxía para o Ourense Envialia e Jozi Oliveira para as Guerreiras Laranxas.
O 4-1 e o 5-1 serían dous novos goles de Peque que chegaría, respectivamente, nos minutos 23 e 34. A futbolista anotou en total tres goles neste partido.
O 6-1 final o colocou no marcador Dany Domingos no minuto 38.
A próxima cita entre Burela e Envialia será de Liga
Este partido, sendo de pretemada, serve para coller punto competitivo, probar e aprender onde poden estar os puntos a reforzar. Así que conta unicamente no capítulo da aprendizaxe, que non é pouco. O seguinte cruce si que terá valor competitivo. Será xa na Liga, dentro da xornada inaugural da Primeira División Feminina 2020-21, o 17 de outubro, e na cidade das termas co Ourense Envialia actuando como local no pavillón dos Remedios.
FICHA TÉCNICA
PESCADOS RUBÉN BURELA FS: Jozi, Dany, Cami, Lara Balseiro, M. Cortés, cinco inicial; también jugaron Cristina, Cilene, Peque, Jenny, Bea Mateos, Elena Aragón, Ale de Paz, Sandra Buzón
OURENSE ENVIALIA FSF: Vane Barberá, Sara Moreno, Iria Saeta, Laura Uña, María, cinco inicial; también jugaron Jenny Lores, Judith, Andrea Feijoo, Marta, María Arias, Uxía
GOLES: 0-1, minuto 12, Andrea Feijoo; 1-1, minuto 16, Peque; 2-1, minuto 17, Cilene; 3-1, minuto 19, Jenny; 4-1, minuto 23, Peque; 5-1, minuto 34, Peque; 6-1, minuto 38, Dany.
ÁRBITROS: Menéndez Nistal // Coello Martínez. Por Ourense amarela a Judith e Sara Moreno
INCIDENCIAS: Terceiro amigable de pretempada das Guerreiras Laranxas, disputado no pavillón cervense da Veiga, en San Cibrao.
