O Pescados Rubén Burela FS recibirá mañá, sábado 3 de outubro, ao Ourense Envialia FSF, como terceiro amigable de pretempada, con cambio de escenario mariñán. O pavillón da Veiga de San Cibrao acollerá a cita ás 12.30 horas, a porta pechada.
“É unha previa moi importante de cara á liga. Co Ourense Envialia estreamo a competición o día 17 e mañá temos a oportunidade de ter sensacións previas de cara á competición para chegar nas mellores condicións” explicaba a gaditana Elena Aragón, unha das novidades das Guerreiras para 2020-21.
O envite ante as ourensás será o segundo da semana, tras o empate 2-2 do mércores en Poio: “Foi un partido no que puxemos en práctica o que viñamos traballando aínda que nos faltou un pouco de verticalidade y de rematar as xogadas”, reflexionaba a 19 burelista, confesándose moi cómoda na súa nova casa. No persoal, Elena Aragón, que chegou ao Burela procedente do Leganés, Explicaba que está “moi contenta dentro do equipo, estoume adaptando ben; espero seguir traballando así e coas mesmas boas sensacións”
Se non hai cambios de última hora, Cely será a única ausencia para a cita coas ourensás, por un edema articular no xeonllo.
No caso do Ourense Envialia FSF as de Morenín afronta coas da Mariña o seu primeiro partido preparatorio dianto do que consideran “un rival dos top”. Estaba previsto que esta tarde as xogadoras do Envialia pasasen os test pertinentes para poder disputar o encontro de mañá sábado. Desde o club de Ourense consideran teste amigable como “unha boa oportunidade para seguir preparando o comezo da tempada”.
PARTIDO // AMISTOSO // 03/10/20 · 12:30H // PAB. A VEIGA (SAN CIBRAO)
BURELA PESCADOS RUBÉN FS VS. OURENSE ENVIALIA FSFHoy pasarán a las 18:00h los test pertinentes para poder disputar el partido de mañana.
Buena piedra de toque.¡Imos ó lío! pic.twitter.com/oBXXSVqmRo
— Ourense Envialia FSF (@OUenvialiaFSF) October 2, 2020
Máis partidos para as Guerreiras Laranxas do Burela a próxima semana
Na semana próxima o Pescados Rubén Burela contará cunha dobre cita en Vista Alegre. A primeira será o mércores 7, data na que se medirán ao Castro FSF ás 21.00 horas.
A segunda é o sábado 10 de outubro no cruce que será a volta de semifinais da XIV Copa Galicia. O rival nese caso será o Viaxes Amarelle FSF. O partido se disputará ás 19.00 horas e poderá seguirse na televisión a través da TVG2.
Según informa o Burela, “para ambas as citas, terán acceso gratuíto os abonados mixtos e femininos de 2020-21”.
A deportista andaluza Elena Aragón explicaba que coa “axenda de partidos as ganas seguen medrando; é un grande aliciente para o traballo da semana”.
