O Peluquería Mixta Friol afronta o vindeiro domingo ás 16:00 un partido de vital importancia para a súa permanencia na Liga Reto Iberdrola. Baixo as ordes de José Manuel ‘Ponfe’, as lucenses recibirán na Reigosa ao CD Parquesol, o único equipo que lograron vencer no que vai de tempada.
Contando o partido aprazado a semana pasada contra o Pozuelo de Alarcón, ao Friol quédanlle cinco encontros de competición regular para evitar participar nos play offs polo descenso. Con só cinco puntos na táboa clasificatoria, o equipo lucense non se pode permitir desperdiciar ningunha oportunidade. Actualmente, o Madrid CF B marca a liña da salvación con once puntos, se ben xogou dous partidos menos cás lucenses.
Acurtar esa diferenza, e sábeno ben en terras friolesas, pasa por gañar si ou si este domingo. Con ese obxectivo en mente, o presidente do club, Geluco Villar, situou a José Manuel ‘Ponfe’ á cabeza do cadro de xogadoras. Logo de dúas semanas de adestramentos, este será o seu primeiro encontro oficial.
Nuestras jugadoras de Reto Iberdrola y cuerpo técnico han dado negativo en los test de antígenos semanales. Esta semana nuestras jugadoras del filial no han podido realizarlos por las nuevas restricciones, en las que se ha suprimido el deporte autonómico colectivo 🤷♀️🤷♀️ pic.twitter.com/qnuZWXy1LT
— PMFRIOL (@pmfriol) January 23, 2021
O Friol chega con apuros
A bagaxe do equipo lucense non é precisamente positiva. Nos últimos tres partidos, tres derrotas. O CD Parquesol chega á Reigosa despois de perder contra o Madrid CF B, pero con dez puntos en sete partidos e a ambición de saír da zona baixa da táboa sumando na súa visita a Lugo.
A Liga Reto Iberdrola está facendo honra ao seu nome para as friolesas. Porén, coa ambición de seguir loitando na competición a vindeira tempada, o Peluquería Mixta non se pode permitir o luxo de deixar escapar ningún punto. Este domingo hai moito en xogo.
