Os nove equipos galegos que militan esta tempada na nova Tercera Federación Femenina (antes Primera Nacional) coñecen xa o seu calendario de competición.
A primeira xornada, que se disputará a fin de semana do 9-10 de setembro, xa depara catro duelos de rivalidade autonómica, unha situación que se vai a dar en moitas xornadas, xa que Galicia aporta máis da metade dos equipos deste grupo.
O Victoria da Coruña recibirá ao PM Friol, o Sárdoma e o Mos xogarán un duelo de rivalidad entre veciños, o Dépor ABANCA B recibirá en Abegondo ao Victoria de Santiago e o Lóstrego xogará no seu campo contra o Umia.
Ademais, o ascendido CD Lugo comezará a súa andaina en categoría estatal no feudo do Gijón FF.
Os equipos galegos que participan nesta competición son:
- Victoria CF
- Peluquería Mixta Friol
- Sárdoma CF
- UD Mos
- RC Deportivo ABANCA B
- Victoria FC
- Lóstrego CF
- Umia CF
- CD Lugo
A Tercera Federación de Fútbol Femenino, que depende da RFEF, comezará a disputarse na fin de semana do 10 de setembro e rematará o 5 de maio.
Os seis grupos que compoñen a categoría, antiguamente denominada Primera División Nacional de Fútbol Femenino, xa teñen conformados os emparellamentos das súas 30 xornadas.
A publicación deste calendario prodúcese, segundo informa a RFEF “con algúns dos equipos do grupo 3 aínda pendentes de oficializar a súa inscrición, motivo polo cal non se tiña producido, ata o de agora, a conformación do calendario completo. Unha vez se complete a cobertura de vacantes, o calendario será actualizado e comunicado novamente de forma pública e aos clubs interesados”, explican.
