Tres son os conxuntos galegos que neste curso 2022-23 militan no Grupo Norte da Segunda Federación de Fútbol Femenino que esta fin de semana arrinca a competición: PM Friol, Sárdoma CF e Viajes InterRías FF. Todos eles coñecen xa os horarios e datas do seu primeiro partido ligueiro que será nos tres casos como visitantes.
Abrirá a lata o conxunto lucense. O Peluquería Mixta Friol xoga co CD Pradejón o sábado 10 ás 18:00 horas. O domingo ás 12:00 horas será a quenda tanto do Sárdoma CF que visita ao Zaragoza CF Feminino como do Viajes InterRías FF que medirá forzas co Athletic Club “C”.
O primeiro partido como locais das tres escuadras galegas será na fin de semana do 18/09/2022. O Viajes InterRías FF recibirá o CDE Rácing Féminas, o Sárdoma CF ao Club Bizkerre “A” e o PM Friol ao CE Europa.
Os duelos de rivalidade rexional na Segunda Federación do FutFem está marcados para as xornadas e datas da primeira e a segunda volta:
Xornada 9 (20/11/2022)
- Sárdoma CF vs Peluquería Mixta Friol
Xornada 11 (04/12/2022)
- Peluquería Mixta Friol vs Viajes Interrías Futbol Femenino
Xornada 12 (18/12/2022)
- Viajes Interrías Futbol Femenino vs Sárdoma CF
Xornada 21 (12/03/2023)
- Sárdoma CF vs Viajes Interrías Futbol Femenino
Xornada 23 (26/03/2023)
- Peluquería Mixta Friol vs Sárdoma CF
Jornada 24 (02/04/2023)
- Viajes Interrías Futbol Femenino vs Peluquería Mixta Friol
A competición conta con 30 xornadas. A última está prevista para o 21 de maio de 2023. O cruce final da liga regular do trío de equipos galegos os enfrontará a:
- R.C.D. Espanyol de Barcelona SAD “B” Viajes Interrias Futbol Femenino
- Torrelodones C.F. Peluquería Mixta Friol
- CE Europa Sárdoma CF
A pretempada do PM Friol
Durante a pretempada o PM Friol xogou diferentes partidos. Entre os seus rivais estiveron o Victoria CF (ao que visitaron na Coruña e as Cebras devolveron visita no Trofeo Jim Sports en Friol. Ao Victoria FC enfrontáronse primeiro en Compostela e logo en terras lucenses no Trofeo Ecotenda TRALOAGRO.
Na Reigosa xogaron o Trofeo Luis Iglesias contra o Avilés Femenino, e o Trofeo Concello de Friol recibindo a visita do Real Sporting de Gijón.
A pretempada do Sárdoma
O conxunto vigués do Sárdoma medíase neste tempo de preparación nas Relfas ao Umia gañando 3-0 cun hat trick de Yaiza. Tamén visitaron en terras lusas ao Vilaverdense perdendo por 4-1. Outro dos cruces de preparación foi nas Relfas co Coruxo Cadete B.
Oito partidos de pretempada para o Viajes InterRías FF
O Viajes InterRías FF empezaba o traballo a finais de xullo e case de inmediato xogaba un amigable co FC Famalicão en terras portuguesas. Máis tarde puxeron rumbo a terras astures e xogaron en Mareo co Sporting de Gijón e en Cudillero co R. Avilés. Gañaron o primeiro partido 0-1 en o segundo 0-2. Presentáronse no campo do Novo San Pedro, Vilalonga. E fixeron un gran papel ante o Real Oviedo Fem co que caeron pola mínima 2-1.
Tamén xogaron amigables de pretempada contra o Victoria FC, o Dépor ABANCA, CD Lugo e Dépor ABANCA B. En total oito test antes do arranque de competición na Segunda Federación do Fútbol Feminino estatal desta fin de semana.
