Case un mes despois da destitución de Abraham García como técnico do Peluquería Mixta Friol, o equipo lucense xa ten novo adestrador. Trátase de José Manuel González, un técnico con experiencia nas escolas de fútbol da RFAF e en equipos como o Córdoba, La Rambla, o Sevilla e o Huelva. Chega acompañado do seu axudante Sergio Carrasco.
O Friol ven de anunciar a súa incorporación, a falta de catro xornadas para que finalice a Liga Reto Iberdrola. Actualmente, o club galego ocupa a penúltima posición, tras unha serie de malos resultados nos que só logrou cinco puntos nunha vitoria e dous empates.
A misión de González será lograr a permanencia do Friol
A labor de González será sacar ao equipo lucense da zona baixa da clasificación. O propio adestrador asegura que, tras 12 días traballando co plantel, está “moi contento co grupo, nos adestramentos as xogadoras están facendo todo o que se lles propone con intensidade”.
José Manuel González (novo adestrador do Friol): “Temos un plantel con moita calidade, e imos loitar por lograr o obxectivo”
O técnico defínese como “ofensivo”, dirixindo ás xogadoras para que “presionen arriba e realicen transicións rápidas, obrigando ao adversario a pensar pouco”. A súa meta pasa por chegar moito á porta contraria para ter “máis oportunidades de facer gol”.
Ademais, recorda que logrou sacar do descenso a algún dos cadros que adestrou en categoría masculina, mentres que en feminina foi partícipe dun subcampionato de Andalucía e unha permanencia.
“Temos un plantel con moita calidade, e imos loitar por lograr o obxectivo proposto pola directiva”, asegurou José Manuel González.
Hoy os presentamos a nuestro nuevo entrenador Jose Manuel González, y a su ayudante Sergio Carrasco. Ambos llegan muy ilusionados a este proyecto. Si queréis conocer sus primeras impresiones, leed la entrevista pinchando en el enlace https://t.co/eYVIA2evbp
— PMFRIOL (@pmfriol) January 12, 2021
