- Dépor ABANCA e PM Friol xa coñecen os seus rivais na segunda rolda da Copa da Raíña.
- A competición terá lugar os días 18, 19 e 20 de outubro.
O sorteo da segunda rolda da Copa da Raíña de fútbol feminino tivo lugar hoxe no salón Luis Aragonés da Ciudad del fútbol de Las Rozas. Dous son os conxuntos galegos que accederon a esta fase da competición e xa coñecen aos seus rivais. O CD Albacete Fundación Feminino será o contrincante do Peluquería Mixta Friol, mentres que a Fundación Canaria Club Deportivo Tenerife será o rival do Dépor ABANCA neste torneo do KO.
O rival do Dépor ABANCA ocupa a sexta praza na Liga con 6 puntos de 9 posibles e na primeira rolda da Copa da Raíña superou (5-1) no seu campo ao CD Castellón con tres tantos de Quintana, uno de Mara e outro de Xisela. Pola súa parte, na primeira rolda, Dépor ABANCA que adestra Irene Ferreras goleou ao CD Parquesol con un hat-trick de Millene, un tanto de Eva Dios e otro de Paula.
O PM Friol asinou a goleada máis avultada da primeira rolda da Copa
Na primeira rolda da Copa da Raíña, a goleada máis avultada a conseguira o conxunto lucense do PM Friol. As galegas vencían cun marcador de 6-0 ao CD Pozoalbese, grazas a un hat-trick de Alicia, un doblete de Mabel e un gol de Nerea. O seu rival, o CD Fundación Albacete Feminino chegou a esta fase da competición copeira gañando ao CE Seagull (4-0-).
Os partidos desta segunda rolda da Copa da Raíña terán lugar os días 18, 19 e 20 de outubro. No sorteo estiveron presentes a futbolistas internacionais españolas, Sun Quiñones e Alba Redondo, como mans inocentes. Así é como quedaron os emparellamentos dos 13 equipos que militaron o curso pasado na Segunda Federación Femenina mailos 3 da Primera División Nacional:
| EMPARELLAMENTOS DA COPA DA RAÍÑA |
| Club Peluquería Mixta Friol – CD Albacete Fundación Femenino |
| CE Europa – Oviedo Moderno CF |
| Fundación Canaria Club Deportivo Tenerife – Deportivo Abanca |
| Elche CF – Alama CF |
| CD Juan Grande Ginelux – CDF Osasuna Femenino |
| RCDE Espanyol de Barcelona – Cacereño Femenino |
| FC Levante Las Planas – Granada CF |
| Córdoba CF – DUX Logroño |
