O PM Friol afronta o seu segundo partido na Copa da Raíña. A segunda eliminatoria enfronta ás lucenses coa Fundación Albacete Femenino. As galegas do PM Friol actúan como locais na Reigosa. O partido dispútase o xoves 20 de outubro a partir das 17:30 horas.
A este cruce no torneo do KO chega o PM Friol logo dunha derrota pola mínima (4-3) ante o CD Fundación Osasuna B na liga. Non está vivindo un bo arranque de Liga na Segunda Federación o equipo lucense que leva cinco partidos xogados e aínda non ten puntuado. Ocupa a penúltima praza superando ao pechacancelas, o Athletic Club C que ten peor diferencia de goles. Tempo hai para ir remontando na clasificación polo que agora as futbolistas se centrarán na Copa da Raíña e na eliminatoria a partido único contra do Fundación Albacete Femenino.
Para chegar a esta segunda eliminatoria, as galegas venceron na primeira ao CD Pozoalbense Femenino.
Por parte das albaceteñas, o filial do CD Fundación Osasuna o equipo que adestra Cantarero viaxa a Friol con 18 futbolistas convocadas. Na convocatoria entra Andrea Llorente e as futbolistas do filial Ángela e Mireya Zafra, mentres que serán baixa deportistas como Laura Sánchez e Martita Pérez.
