Rematado o partido co Bodegas Sommos Intersala FS compareceron ante os medios o adestrador rival, Carlos Valero, e a xogadora local Cristina Pérez, ademais do técnico do Pescados Rubén Burela, Julio Delgado. Futbolista e adestrador das Guerreiras Laranxas xa pensan no seguinte reto: a Supercopa. E avisan de que, nesa loita por un novo título diante do Poio Pescamar van “a por todas. Queremos revalidar o título”.
Cristina Pérez: “Na Supercopa imos a por todas contra o Poio”
A Guerreira Laranxa Cristina Pérez declaraba tras o partido que o partido era a despedida deste ano diante da afición en Vista Alegre. Toca descansar pero axiña temos outro título en xogo. Desde que xogamos a última final xa estamos a pensar na seguinte, ademais é o mesmo rival (en referencia ao Poio Pescamar). Coido que quedáronsenos as ganas de facer un partido mellor contra elas, facerlles máis dano en ataque. Na Supercopa imos ir a por todas”, anticipa a futbolista do Burela.
“Foi un partido como o que agardabamos. Cun rival que se pecha atrás. O ano pasado custábanos moito máis facerlle goles a estos equipos este ano estanos entrando os goles. Temos que xerar moitas, moitísimas ocasións para meter un gol. Hoxe foi un deses días e puidemos meter seis tantos”.
️ | @CristinaPere10: “Despedimos el año delante de nuestra afición, ahora a descansar y pronto tenemos la Supercopa”.#Burela #Futsal @SomosFutsal #FutsalHeart pic.twitter.com/6WYnumk4Gh
— Pescados Rubén Burela FS (@burelafs) December 27, 2020
Julio Delgado: “Acabamos o ano moi ben e queremos a Supercopa”
O adestrador do Pescados Rubén Burela, apuntaba que a motivación para un partido como o de hoxe ten moita complicación. “Logo da final da Copa da Raíña, e de ser campioas é difícil motivar ao equipo nun partido en medio do Nadal. Ao final teñen sido intensas, marcamos seis goles. Podiamos estar mellor pero é difícil que logo de gañar un título as xogadoras estea ao cento por cento”, argumentaba o míster das Guerreiras Laranxas.
O balance do preparador das de Burela do que vai de competición “É moi positiva, moi boa”. Explica que van xa “tres meses de convivencia e competición coa pandemia. Fúmonos aclimantando. Nos resultados deportivos non se pode estar máis contentos. Levamos sete victorias, un empate, gañamos a Copa da Raíña… Acabamos o ano moi ben, moi contentas, cun gran traballo creo eu. Agora, toca agardar á segunda fase”, declaraba o entrenador laranxa.
Sobre o plan de traballo para os vindeiros días, Julio Delgado explicaba: “Acabamos o ano moi ben, cun título máis. Agora afrontamos a segunda volta primeiro cun título: a Supercopa. Un título que nos fai moita ilusión e que tamén queremos revalidar. Teremos antes un par de días de descanso para poder desconectar e logo, xa prepararemos a Supercopa moi ben”.
️ | Julio Delgado: “Han sido intensas, hemos marcados seis goles”.#Burela #Futsal @SalaInter @SomosFutsal #FutsalHeart pic.twitter.com/tGX2F5dMii
— Pescados Rubén Burela FS (@burelafs) December 27, 2020
Carlos Valero, técnico Intersala: “O Burela, é agora mesmo o mellor equipo”
Carlos Valero, adestrador do Bodegas Sommos Intersala FS, manifestaba na súa comparecencia ante os medios de comunicación ao remate do partido que “a sensación do partido é que foi un choque como agadamos. O Burela, como demostrou na Copa da Raíña, é arestora o mellor equipo. Esperamos un equipo duro e que xoga moi ben. E esperábamos un resultado como o que tivemos. Tivemos algunha ocasión para maquillar o resultado, pero ao final, a diferencia é a que é”, admitía sen dubidalo o técnico das mañas.
Con todo, Carlos Valero non marchaba contento de Vista Alegre: “Perdendo 6-2 non me podo ir satisfeito do partido. Pero do traballo e da entrega das xogadoras sempre estou satisfeito. Logo tivemos erros e cousas por pulir”.
Como novo conxunto na categoría, o adestrador do Intersala admitía que este curso 2020-2021: “Non é esta a ser tempada ideal para debutar na Primeira División, pero cada partido disputado, cada adestramento, é un premio para o club, as xogadoras e o corpo técnico”.
Nas aspiracións do equipo de Zaragoza está: “Sacar máis puntos para que cando toque a segunda parte da competición estar cercanos de evitar o descenso directo e polo menos tentar promocionar”.
️ | Carlos Valero: “Fue un partido como esperábamos”.#Burela #Futsal @SalaInter @SomosFutsal #FutsalHeart pic.twitter.com/j1HKbsKDUp
— Pescados Rubén Burela FS (@burelafs) December 27, 2020
O Pescados Rubén Burela afiánzase no liderado ao vencer ao Intersala 6-2