O Pescados Rubén Burela revalidou este mediodía o título de Copa da Raíña nun grande espectáculo do futsalfem galego ante Poio Pescamar FSF (1-0), no que reinaron as defensas e Elena Aragón fixo posible a vitoria cun dobre penalti na primeira parte. O tiro da burelista, forte e polo medio e medio da portaría, colábase por entre das pernas de Caridad, quen, por outro lado, fixo un fantástico partido e foi elixida a MVP (xogadora máis valorada) do partido.
O partido decisivo da Copa da Raíña de fútbol sala foi unha festa do cinco contra cinco feminino galego logo de que se confirmara a final irmandiña con Burela e Poio fronte a frontel loitando polo entorchado estatal. As da Mariña accederan á final vencendo a AD Alcorcón FSF, e defendían o entorchado. As futbolistas do Poio Pescamar, derrotaron ao Universidad de Alicante no último minuto da prórroga e gañaron a pulso o seu sitio nesta cita coa historia.
O cruce, que se decidiu pola mínima e froito da transformación dun dobre penalti, estivo aberto ata o último minuto de xogo. Os dous conxuntos galegos ofreceron un enorme expectáculo sobre o 40×20 e deixaron claro que eran merecedoras, con creces, de protagonizar esa final irmadiña en terras malagueñas. Tanto Burela como Poio amosáronse sobre a pista como conxuntos capaces de gañar un título coma o torneo do KO ao que ambas escuadras galegas aspiraban por dereito propio.
O final, alguén ten que gañar, e isas foron as Guerreiras Laranxas que volveron proclamarse campioas na segunda edición da cita copeira. Pecharon así un ano deportivo excepcional e xustamente no mesmiño escenario no que tamén tiñan conquistado o título de campioas de Liga 2019-20. Deste xeito, Málaga será, para sempre unha cidade que formará parte da historia do equipo da Mariña lucense.
A capitá laranxa, Peque, foi a encargada de alzar o trofeo que as acredita como campioas da Copa da Raíña. O galardón foi entregado polo presidente da Real Federación Española de Fútbol, Luis Rubiales.
A defensa burelista en media pista inicial deu paso para ir subindo e aumentando a intensidade en presión. Probaron Dany e Cilene nos primeiros compases, moi incisivas, e máis tarde Ale de Paz e de novo a 6 burelista, en estratexia, cunha escuadra laranxa moi atenta en repregamentos para evitar que o Poio, que hoxe vestía de branco e verde e non de vermello como acostuma fixese dano.
As primeiras intervencións de Jozi chegaron no minuto 8 sabendo reaccionar ao perigo en estratexia de Clara e Luci. Co paso dos minutos e cun encontro máis aberto, Pescados Rubén Burela buscou subir liñas para darlle máis profundidade a Dany.
A ocasión máis clara ata o momento para Poio Pescamar produciuse no 14, cun encontro de Cilene con Julia saíndo á contra, aínda que no man ao man coa rede, foi Jozi a que saíu vitoriosa. Chegou entón a de ouro burelista en dobre penalti, tras revisión de Soporte Tecnolóxico solicitado por Julio Delgado. O traveseiro evitou a primeira tentativa de Elena Aragón, pero a andaluza non errou fronte a Caridad na segunda oportunidade, segundos despois, nesta ocasión cun balón raso.
A falta de pouco máis dun minuto para o descanso e tras revisión solicitada por Manu Cossío, a 19 laranxa dispuxo da segunda vantaxe pero o disparo cruzado fóiselle desviado.
Jozi e Caridad protagonizaron o regreso. A meta burelista estivo moi atenta en estratexia por partida dobre, ante Clara e Miriam. Segundos despois, a pontevedresa despexou por arriba a gran chegada de Leti.
Gañou Poio Pescamar en chegadas, con máis posesión, e Dani Sousa avisou con moito perigo (minuto 25), aínda que non deixou de tentalo Pescados Rubén Burela con Cami e Ale de Paz ás mans da porteira visitantes e Cristina máis tarde, para recuperar a súa comodidade e ofrecer unha versión impoluta en defensa.
Volvimos al Martín Carpena aunque en esta ocasión en bandos diferentes.
Esa sonrisa siempre formará parte de la #FamiliaLaranxa #Burela #Futsal @danyafera8 @luci9_l #FutsalHeart pic.twitter.com/DtA5URD7ZT— Pescados Rubén Burela FS (@burelafs) December 20, 2020
O Poio Pescamar tivo o empate en estratexia rozando Ana Rivera o gol; volveu tentalo a ex das laranxas, Luci, segundos despois a piques de ver a igualada de novo. Tras o gran bloqueo de Cilene fronte a Ana Rivera, as de Manu Cossío apostaron por xogo de cinco con Irene no 38. Souberon sufrir ata o final as Guerreiras Laranxas para aferrarse á vantaxe cunha solidez impecable.
, , ,
Las #GuerreirasLaranxas revalidan el título de #CopaDeLaReinaFutsal #Burela #Futsal @SomosFutsal #FutsalHeart
— Pescados Rubén Burela FS (@burelafs) December 20, 2020
FICHA TÉCNICA
PESCADOS RUBÉN BURELA FS: Jozi, Dany, Cilene, Cami e Bea Mateos – quinteto inicial -. Tamén xogaron: M. Cortés, Ale de Paz, Cristina e Elena Aragón
POIO PESCAMAR FSF: Caridad, Dani, Irene, Luci e Rivera – quinteto inicial -. Tamén xogaron: tamén xogaron Antía, Clara, Chiesa, Carol, Miriam e Julia.
GOLES: 1-0, minuto 16, Elena Aragón (dobre penalti)
ÁRBITROS: Rodrigo Miguel // Sánchez Molina // Rodríguez Navarro // AAR Gutiérrez Echevarría. Polo Pescados Rubén Burela viu cartón amarelo Dany e polo Poio Antía.
INCIDENCIAS: Partido correspondente á final de II Copa da Raíña disputado no Palacio de Deportes Martín Carpena de Málaga e emitido en directo de Teledeporte, cos comentarios da seleccionadora nacional, Clàudia Pons. A festa do fútbol sala irmandiño contou coa presenza no palco do presidente da Real Federación Galega de Fútbol, Rafael Louzán, e do vicepresidente, Pablo Prieto. O apoio do Concello de Burela ás Guerreiras estivo representado polo edil de Deportes, Ramiro Fernández. A porteira do Poio Pescamar, Caridad, recibiu o galardón de MVP de mans da seleccionadora do equipo estatal Clàudia Pons.
As mellores xogadas da final irmandiña da Copa da Raína – Teledeporte
📺 RESUMEN | @burelafs 🆚 @PoioPescamarfs
⚽ ¡Revive las mejores jugadas de una final apasionante e igualada hasta el último segundo!#CopaDeLaReinaFutsal 🏆 pic.twitter.com/XGeFlhkHkc
— RFEF (@rfef) December 20, 2020
Casi medio año después la celebración se repite en el Martín Carpena
Enhorabuena chicas y cuerpo técnico, la #CopaDeLaReinaFutsal se va para #Burela #OrgulloLaranxa pic.twitter.com/GbTYMZXBFv
— Pescados Rubén Burela FS (@burelafs) December 20, 2020
