Visitar a cancha do STV Roldan FSF e ter necesidade de puntuar, non casa ben. O Cidade de As Burgas sabía que tiñan diante un partido complicado coas murcianas e así foi. Ao final do partido as galegas perdían por 6-0. Exactamente a mesma derrota que sufría o seu perseguidor, a AD Teldeportivo co CD Leganés FS (6-0). Así que a táboa non se move neses dous últimos postos do Grupo A da Primeira División Feminina do Fútbol Sala. As galegas son penúltimas con cinco puntos.
O que nunca falta nas ourensás é a constancia e a loita. Iso, por moi costa arriba que se poña o marcador, e neste partido púxose, o destacan todos as súas rivais. O equipo que adestra Manolo Codeso non se amilana e segue fiel ao seu estilo de xogo sen mirar ao rival, con valentía. Aínda que corren riscos, asumen que é parte da aprendizaxe e renuncian a perder a esencia do seu xeito de xogar sobre a cancha.
Arrincou o choque coas locais levando o control e o peso do partido. Para tentar afogar as saídas do Cidade de As Burgas, o STV Roldán FSF exercía unha presión moi alta sobre as galegas.
No minuto 13 de partido abriría o marcador Marta Pelegrín para as locais a pase de Alba Gandía (1-0). Perdendo pola mínima as galegas tiraron de contragolpes para xerar perigo na meta local.
Consumidos 16 minutos de xogo chegou o segundo tanto das murcianas. Anotou Marta Riscos froito dunha xogada súa combinando con Lola (2-0).
Asía, antes de chegar ao descanso o STV Roldán FSF levaba unha vantaxe de 2-0 que aumentaría na segunda metade ata a media ducia. O 3-0 anotouno Marta Riscos, o 4-0 foi obra de Noelia Montoro, tras xogada de Lola e pase de Consuelo.
Marta Pelegrín debeu sentir ciumes da súa tocaya e anotou o 5-0 facendo tamén dobrete. Finiquitou o marcador Mariángeles cun disparo raso rematando un saque desde co curruncho. Deste xeito, ao rematar o partido a diferencia tiña aumentado até o 6-0 no pavillón Gabriel Pérez.
Victoria en un partido muy serio del equipo ante un @cidadeasburgas que pese al resultado no ha dejado de luchar.
¡Buen viaje de vuelta y suerte en lo que resta de liga! 💪
Seguimos equipo🧡
📸 @grl48 pic.twitter.com/ZwS1qrwn8a
— STV Roldán FSF (@RoldanFSF) February 6, 2021
A vindeira xornada haberá duelo fraticida entre galegas coa visita do Cidade de As Burgas ao Viaxes Amarelle que son as súas predecesoras na táboa e que tamén están á procura de dar un salto que as ascenda na clasificación e as permita respirar máis tranquilas. Será a vindeira fin de semana con horario aínda por definir.