Un gol e antes de que se cumprira o minuto de xogo abondou ao Viaxes Amarelle FSF para traer de volta a Galicia os tres puntos en xogo no seu partido contra do Gran Canaria Teldeportivo. O encontro correspondía á terceira xornada de liga e tivera que ser adiado pola meteoroloxía. Cláudia Lobo foi a autora do gol que outorgou o triunfo ás coruñesas.
‼️ Fútbol Sala Femenino @FutSalRFEF
Gran Canaria @Teldeportivo no se repone al gol del @amarellefsf
📰 https://t.co/lP5TXQcUGv
💙💛#Teldeportivo #FutbolSalaFemenino #SomosFutsal #GCIslaEuropeadelDeporte #GranCanaria #GranDestino #MuchoPorVivir #islascanariaslatituddevida pic.twitter.com/vDeO5s0OWq— Teldeportivo (@Teldeportivo) October 23, 2022
O equipo herculino do Viaxes Amarelle FSF recuperaba nesta xornada de parón o partido aprazado da terceira xornada contra un rival directo, o Gran Canaria Teldeportivo. As herculinas conseguían abrir o marcador aos 47 segundos de xogo cun gol de Cláudia Lobo, e tras un intenso partido, onde ambos os equipos buscaron a portería contraria, ese temperán gol, foi o decisivo para que as herculinas levasen os tres puntos en xogo por un exiguo marcador de 0-1.
O partido empezaba cun Viaxes Amarelle FSF metido de cheo no partido, e buscando a portería contraria desde o primeiro segundo de xogo, e así foi como cando apenas transcorreran 47 segundos de xogo, Cláudia Lobo desviaba de tacón, un tiro exterior de Cris Lourés, e subía o 0-1 ao marcador.
Apenas 15 segundos despois, a mesma Cláudia Lobo roubaba un balón e quedaba nun un para un coa meta local, pero o balón ía desviado a córner. As herculinas, que adestra Jorge Basanta, mostrábanse moi activas en ataque e xerando perigo, á vez que a escuadra local ía gañando metros na pista e empezaba a xerar as súas primeiras ocasións de perigo, pero a boa defensa galega e Leti Rojo baixo paus, mantiñan a portería herculina a cero.
Os minutos pasaban, e o partido complicábase nos últimos minutos para o Viaxes Amarelle FSF, cando contaban con cinco faltas e non podían arriscar tanto na defensa, para evitar ter un dobre penalti en contra; e con algo máis de apuros, conseguían chegar ao descanso coa leve vantaxe inicial.
Expulsión de Leti Rojo
Tras o paso por vestiarios conxunto local empezaba a apurar as súas opcións de meterse no partido e poder puntuar, pero Leti Rojo volvía destacar, para evitar o gol das locais e manter a portería herculina a cero. A todo isto, que as locais se metían máis no partido; pouco antes da medianía do período, Leti Rojo era expulsada por dobre tarxeta amarela, e o Viaxes Amarelle FSF quedaba cunha xogadora menos durante dous minutos; onde sufriron pero conseguiron manter a exigua vantaxe no marcador.
Os minutos empezaban a pesar para as xogadoras herculinas, pero seguían con bo ritmo defensivo, mantendo a portería galega a cero, e tratando de sorprender nalgunha contra. Xa no últimos tres minutos de xogo, o Gran Canaria FSF Teldeportivo opta polo xogo de cinco para tratar de puntuar, pero o Viaxes Amarelle FSF non deu opcións ao seu rival e conseguía manter a vantaxe inicial, do gol de Clàudia Lobo, e sumar tres puntos máis na marcadora da xeral.
Tras visitar ao Teldeportivo ás galegas reciben ao AD Sala Zaragoza
Tras este novo duelo oficial da tempada, o conxunto herculino terá de descanso a xornada do domingo, pero o luns retoma os adestramentos, e pensando no seguinte partido da competición regular, contra outro rival directo.
A Primeira RFEF Futsal Feminino afronta a sexta xornada da competición, en partido que terá lugar o sábado 29 de outubro de 2022, a partir das 18:00 horas no Pavillón Municipal de Sagrada Familia (A Coruña), onde o Viaxes Amarelle FSF recibirá ao AD Sala Zaragoza FSF.
FICHA TÉCNICA
0) GRAN CANARIA FSF TELDEDEPORTIVO: Marta, Ana Ontiveros, Idoya, Sofía e Martita – quinteto inicial -. Tamén xogaron: Agustina, Marta Escribano, Pina, Play, Virginia e Mariona.
1) VIAXES AMARELLE FSF: Leti Rojo, Cris Lourés, Lau Doce, Carol Agulla e Cláudia Lobo – quinteto inicial -. Tamén xogaron: María Gómez, Èlia Gullí, Marta Hermo e Laura Rivas.
GOLES: 0-1 Clàudia Lobo (min. 1).
EQUIPO ARBITRAL: Romen Medina Hernández e Raúl Santana Santana do Comité Técnico de Árbitros de Las Palmas. Arbitro Asistente: Luis Bolaños Herrera do Comité Técnico de Árbitros de Las Palmas. Mesa: Alejandro Santana Santana do Comité Técnico de Árbitros de Las Palmas. Amonestaron con cartón amarelo a Sofía no conxunto do Gran Canaria FSF Teldeportivo, así como a Clàudia Lobo, Laura Rivas e Nere Ramallo nas filas do Viaxes Amarelle FSF. Houbo doble cartón amarelo para Carol Agulla, xogadora do Viaxes Amarelle FSF.
INCIDENCIAS: Partido adiado na terceira xornada da Primera División da RFEF FuSalFem que se disputou no Pabellón de la Ciudad Deportiva Gran Canaria (Las Palmas).
