Un empate a dous goles foi resultado final do derbi entre o Poio Pescamar e o Viaxes Amarelle FSF. Reparto de puntos entre ambos os dous equipos galegos nesta fin de semana de Entroido.
Logo deste 2-2 o Poio Pescamar ocupa a segunda posición na Primera División do futsalfem estatal, e o equipo herculino do Viaxes Amarelle FSF, que adestra Jorge Basanta, é undécimo.
As herculinas fixeron un partido moi serio, e a pesar de empezar por detrás no marcador, conseguiron dar a volta ao partido; e obrigaron ao Poio Pescamar FSF a sacar o xogo de cinco para tratar de conseguir a vitoria, pero o encontro concluíu con reparto de puntos, tras o 2-2 final, con goles herculinos de Cris Lourés e Clàudia Lobo.
Finalizou o primeiro derbi deste Entroido con reparto de puntos fronte ó @amarellefsf 2️⃣ – 2️⃣
📷 Pilar Soliño Ucha, Pisou#PoioPescamar #25AnosDePoioFS #PoioAmarelle pic.twitter.com/2jSlPCs1uR
— Poio Pescamar FS (@PoioPescamarfs) February 18, 2023
O partido empezaba cun Poio Pescamar FSF que tiña máis posesión de balón, pero a presión alta das herculinas, e a intensidade xerada polas herculinas ía igualando a contenda segundo pasaban os minutos.
Chegaban as primeiras ocasións para ambos os equipos, pero as defensas e as porteiras conseguían evitar que o gol chegase ao marcador.
Con pouco máis de catro minutos para chegar ao tempo de asueto, Marta Peñalver mandaba un balón longo que Laura Uña roubaba as costas herculinas e plantábase no un para un contra Leti Rojo, axustando un balón ao pau, que terminaba por rebotar nunha defensa herculina para subir o 1-0 ao marcador.
Aínda quedaba partido por diante, e as herculinas nunca baixan os brazos, e apenas dous minutos máis tarde conseguían devolver a igualada ao marcador, cando Cris Lourés executa un saque de banda directo ao área pequena, onde o balón termina tocando nas costas de Sandra Buzón, para poñer de novo a igualada no marcador; e irse co 1-1 ao descanso.
Logo do paso por vestiarios, Viaxes Amarelle FSF seguía coa tensión do partido e tratando de roubar o balón con presión alta. Cláudia Lobo avisaba nos primeiros minutos de partido, e xa aos seis minutos de xogo, a xogadora portuguesa en presión alta de balón, roubaba en primeira liña e encaraba o un para un con Elenita, conseguindo batela por baixo, e poñendo o 1-2 no marcador, e adiantar así ás herculinas no marcador.
Coa vantaxe no luminoso, o Poio Pescamar FSF parece que apuraba as súas opcións para poder meterse no partido, pero un conxunto herculino moi serio, conseguía defender a súa portería, con boas actuacións de Leti Rojo.
Xa no tramo final do partido, cando quedaban pouco máis de cinco minutos, Poio Pescamar FSF opta por sacar o xogo de cinco e buscar a igualada no marcador, tras varios intentos, e algún balón longo de Leti Rojo, na recuperación, que se foi moi preto do arco local.
Chegaría o gol do empate a dous minutos do final, tras unha internada de Luci Gómez que axustaba o balón ao pau da portería herculina para poñer o 2-2 no marcador.
Aínda quedaba partido, e as locais optaban por seguir probando co xogo de cinco para levar a vitoria, pero o Viaxes Amarelle FSF plantábase cunha boa defensa, e tentaba sorprender con disparos afastados. E cando quedaba pouco menos dun minuto, chegaba a xogada polémica. O Poio Pescamar FSF atacaba en superioridade, e o Viaxes Amarelle FSF íase sobre a portería local, sen porteira, e Estelita era bloqueada por Anna Escribano, que cortaba unha ocasión clara de gol, e a xogadora podiense terminaba por recibir a tarxeta vermella directa.
Con superioridade sobre a cancha, as herculinas envorcáronse en ataque sobre a portería de Elenita, e tiveron varias ocasións claras para poder marcar o tanto da vitoria, pero este resistiuse, e finalmente tivéronse que conformar coa repartición de puntos.
A Copa Galicia, seguinte parada do Viaxes Amarelle
Tras este novo duelo oficial da tempada, o conxunto coruñés afrontará xornada de descanso hoxe domingo, e mañá luns terá un adestramento de recuperación, e preparar o partido de semifinais de Copa Galicia, previo á seguinte xornada ligueira, que terá lugar o vindeiro domingo.
O seguinte duelo das herculinas, será na Copa Galicia Feminina que afronta a partido único a semifinal da competición, en partido que terá lugar o mércores 22 de febreiro de 2023, a partir das 21:00 horas no Pavillón Municipal de Sacra Familia (A Coruña), onde o Viaxes Amarelle FSF recibirá ao ENCE Marín Futsal.
FICHA TÉCNICA
2) POIO PESCAMAR FSF: Sandra Buzón, Martita, Irene, Elena Aragón e Marta Peñalver – quinteto inicial -. Tamén xogaron: Rocío, Luci Gómez, Anna Escribano, Laura Uña e Elenita.
2) VIAXES AMARELLE FSF: Leti Rojo, Carol Agulla, Lau Doce, Tety e Cris Lourés – quinteto inicial -. Tamén xogaron: Clàudia Lobo, Èlia Gullí, Estelita, Marta Hermo e Laura Rivas.
GOLES: 1-0 Laura Uña (min. 16); 1-1 Sandra Buzón (propia puerta) (min. 18); 1-2 Clàudia Lobo (min. 26); 2-2 Lucia Gómez (min. 38).
EQUIPO ARBITRAL: Lidia Crespo Pardo e Héctor Vilas López del Comité Técnico de Árbitros de Vigo e Ourense. Árbitro Asistente: Álvaro Sobral Moreno del Comité Técnico de Árbitros de Pontevedra. Mesa: Clara Díez Gil del Comité Técnico de Árbitros de Pontevedra. Recibirón amonestación con cartón amarelo: Laura Uña e Rocío Gómez del Poio Pescamar FSF, así como Estelita polo Viaxes Amarelle FSF. Viu cartón vermello Anna Escribano do Poio Pescamar FSF .
INCIDENCIAS: Partido correspondente á 19ª xornada da Primera División da RFEF Futsal Femenina disputado no pavillón municipal Príncipe Felipe (Pontevedra).
