Despois do mal trago da pasada xornada ante Cataluña, as seleccións galegas sub 15 e sub 17 gañaron e pecharon a súa participación na primeira fase do Campionato de España. As galegas das Irmandiñas souberon repoñerse e foron superiores en ambos partidos. Galicia pecha a segunda e última xornada desta cita que tivo lugar en Lezama, cunha vitoria e unha derrota no seu casilleiro.
Paseo das máis novas
As encargadas de abrir a lata foron as mozas da Sub 15. O elenco que prepara Susú Cores sacou o seu arsenal e superou sen problemas ao bloque aragonés. Con todo, houbo que esperar ata a segunda metade para sentenciar o partido, posto que o marcador ao descanso reflectía unha vitoria pola mínima das nosas. Tras o descanso, as galegas sacaron todo o seu potencial e conseguiron anotar 3 goles máis. Con este triunfo, o equipo Sub 15 pecha esta primeira fase con 3 puntos e un balance de goles interesante para afrontar a segunda fase.
FICHA TÉCNICA
ARAGÓN: Paula Zhen, Julia, Noelia (Lidia, min. 61), Mónica, Paula, Darian, María Illescas, María Moreno (Patricia, min. 67), Pilar (Carlota, min. 58), Marte, Leyre.
GALICIA: Martina, Abril, Paula, Sara, Carmen, Laura Testa (Nuria, min. 73), Laura Otero, Marta (Sol, min. 58), Elena, María (Candela, min. 49), Fara (Antía, min. 69).
GOLES: 0-1 Laura Otero (34’); 0-2 Candela (58’); 0-3 Fara (68’); 0-4 Nuria (80’).
COLEXIADAS: Itxaso Ibarreta, con Ane Asla e Nerea Rebollo.
CAMPO: Instalacións deportivas de Lezama.
Traballado triunfo da Sub 17
Para acadar unha vitoria moitas veces hai que saber sufrir. Foi o caso do vivido en Lezama no encontro entre a Selección Galega sub17 e Aragón. Traballado triunfo, principalmente por as numerosas ocasión creadas. Xa no primeiro minuto de partido, as nosas tiveron a ocasión máis clara. Noela rematou fóra cando estaba totalmente libre de marca.
Respostou Aragón cunha boa oportunidade, pero Lidia atallou nunha gran intervención. Transcurría o minuto 26 cando a xogadora do Dépor “B”, Sara, rematou de cabeza unha falta lateral e tras tocar nunha defensora o balón entrou na portería.
Co xogo e o marcador de cara, a Selección Galega xa tiña o máis difícil feito. Xuntos nese momento foi cando Aragón non se fixo esperar e Andrea rematou en gol unha gran contra levada pola dereita e finalizada pola esquerda aproveitando o desaxuste defensivo galego. De novo tocaba remar para volver a tomar a iniciativa no marcador.
Nos últimos minutos da primeira parte as galegas apretaron o acelerador e estiveron preto do gol, pero nin Aroa nin Noela conseguiron finalizar con acerto. E non foi por non ter ocasións. A dianteira do Dépor “B” tivo o seu agasallo de Navidad e marcou no 61 logo dunha gran acción e asistencia de Rosario.
Puido sentenciar Sara en outro remate de cabeza, pero o gol non chegou e houbo que xogar coa presión do marcador axustado aínda que as aragonesas en ningún momento foron quen de facer perigar o triunfo galego. As nosas acabaron a xornada con bo sabor de boca tras a derrota contra Cataluña no primer encontro.
FICHA TÉCNICA
ARAGÓN: Lucía, María (Tatiana, min. 62), Carolina, María Elena, Teresa, Abril, Claudia (María, min. 46), Andrea (Vanesa, min. 74), Sara Balma, Lucía (Irene, min. 46), Sofía.
GALICIA: Lidia, Sara, Marta, Elena, Aroa Guerra (Ainara, min. 62), Laura Cetina (Rosario, min. 55), Noela Nerea Lombardero, min. 57), Inés, Ana Toubes (Nerea, min. 79), Paula, María Gómez.
GOLES: 0-1 Sara (26’); 1-1 Andrea (36’); 1-2 Aroa Guerra (61’).
COLEXIADAS: Haizea Castresana, con Miren Fuentes e Antonella Navarro.
CAMPO: Instalacións deportivas de Lezama.
