As de Quin Valbuena comezaron o encontro da mellor maneira posible. A pesar de ter enfronte a un gran combinado, as galegas da Irmandiña saíron á Cidade Deportiva de Lezama sen medo o con ganas de demostrar.
Cando transcurría o minuto 4 de partido, Laura Cetina rematou de cabeza ao fondo da rede un balón enviado desde o lateral. Galicia daba a sorpresa adiantándose no marcador ante a potentísima selección catalá, con seis xogadoras do Barça no seu once inicial.
O poderío de Cataluña non tardou en aflorar. As pupilas de Natalia Arroyo empataron moi cedo, minuto 7, cunha boa contra que acabou cun rexeite e un balón franco para Mar Dueso, que marcou a pracer.
Pouco a pouco as catalanas foron asumindo o mando e pasada a media hora de xogo nova contra por banda dereita, varias accións individuais de moito mérito e gran disparo final de Claudia para consumar a remontada.
Minutos clave da segunda parte
Coa ventaxa pola mínima no marcador a favor das catalanas, os minutos do segundo foron clave para o devir do partido. A Selección galega puido empatar pero non o fixo e aí acabáronse as súas opcións. Ana Toubes estrelou un gran disparo na cruceta e Sara case marca de cabeza, pero unha defensa sacou o balón sobre a liña.
Por contra, no 60, xogada pola dereita, o balón parece superar a liña de fondo, pero a colexiada deixa seguir e Julia Bartel marca un gol que encarrilaba o triunfo catalán. Un triunfo selado finalmente co cuarto gol, obra de Natalia Muñoz.
O combinado galego que adestra Quin Valbuena disputarán este sábado ás 12:15 horas a segunda xornada desde Campionato de España ante Aragón.
FICHA TÉCNICA
GALICIA: Nuria Gómez, Aroa González (Marta Calvo, 85’), Sara Álvarez, Laura Iglesias, Elena Pérez, Aroa Guerra, Laura Cetina (María Gómez, 67’), Noela Sánchez (Rosario Etcheverría, 69’), Inés García, Ana Toubes (Nerea Lombardero, 67’) e Paula González.
CATALUÑA: Laura Coronado, Esther Laborde, Alba Ramos, Ariadna Márquez, Clara Rodríguez (Martina Fernández, 80’), Ariadna Mingueza, Mar Dueso (Laura Rodríguez, 58’), Clàudia Riumalló, Júlia Bartel (Lídia Rabassa, 86’), Ona Baradad e Natàlia Muñoz (Núria Pon, 68’).
GOLES: 1-0 Laura Cetina (min. 4), 1-1 Mar Dueso (min. 12); 1-2 Clàudia Riumalló (min. 38); 1-3 Júlia Bartel (min. 65); 1-4 Natàlia Muñoz (min. 57).
ÁRBITRAS: Ane Asla, con Haizea Castresana e Nerea Rebollo. Cartóns amarelos a Laura Iglesias por Galicia e a Julia Bartel e Esther Laborde por Cataluña.
CAMPO: Cidade Deportiva de Lezama.
