Gran partido entre a Selección galega e catalana sub15. O combinado catalán foi quen tivo o control da pelota e do partido na primeira metade, aínda que sen crear ocasións de perigo agás dunha boa opción no minuto 27 que atopou unha xenial resposta de Martina, a porteira galega.
Tras o tempo de lecer trocou por completo o guión. Galicia tomou as rendas do encontro. A Irmandiña estivo guiadas por una excepcional Marta Rico, da que seguro tomou boa nota desde a grada a seleccionadora nacional Toña. A propia Marta tivo unha clara ocasión de marcar para o combinado galego, pero o seu disparo foise desviado por fóra os tres paus.
A selección de Galicia controlaba e chegaba, pero Cataluña chegou con máis aire aos minutos finais e tamén foi quen de xerar un par de ocasións claras, ocasións que tampouco se traduciron en goles. E cando todo parecía indicar que o partido remataría co 0-0 inicial chegou ese penalti no último suspiro materializado por Martret.
Con todo, a selección galega sofre unha dura derrota no partido inaugural desta primeira fase do Campionato de España que se celebra en Lezama (Bilbao).
FICHA TÉCNICA
GALICIA: Martina Rivas, Abril Pazos, Paula Novo, Sara García, Carmen Carballada, Laura Testa (Clara Pérez, 57’), Marta Rico, Elena Vázquez, Candela Vázquez (Laura Otero, 44’), María Lama (Sol Pedrera, 74’) e Fara Antolín.
CATALUÑA: Neus Barrón, Meritxell Martín (Maria Requena, 58’), Judit Pujols, Adriana Ranera, Ariadna Domènech, Noah Bezis, Magalí Capdevila (Renata Cavilli, 53’), Aina Rueda (Emma Gálvez, 53’), Nora Fernández, Nina Pou (Dana Yazbeck, 76’) e Laia Martret.
GOLES: 0-1 Laia Martret, de penalti (min. 83).
ÁRBITRAS: María Jiménez, con Nahia Alonso e Ane Miren Fuentes.
CAMPO: Cidade Deportiva de Lezama
