Coa renovación de Sandra Prieto, o BAXI Ferrol pecha o seu corpo técnico para a tempada 2021/2022. O club ferrolán segue a depositar a súa confianza no equipo que levou ao conxunto á LF Endesa. Antes do anuncio de que adestradora seguirá, a entidade confirmou a continuidade de Sergio Jaurena como preparador físico e Lino López como primeiro adestrador.
Co próximo curso, Sandra Prieto cumprirá o seu quinto ano como parte do corpo técnico do conxunto do BAXI Ferrol. Os adestradores teñen agora a misión de elaborar un proxecto ilusionante para o equipo da cidade departamental, co primeiro obxectivo da salvación no regreso á máxima categoría.
