Maristas Coruña estará na fase de ascenso tras vencer ao Mariscos Antón AD Cortegada (66-38). Pola contra, as de Vilagarcía de Arousa complícanse sumarse á loita por ser equipo de Liga Challenge na vindeira tempada, unha fase competitiva para a que xa tiña billete o CB Arxil que nesta xornada perde un por un tanto en Pontevedra (68-69).
El camino hacia un nuevo sueño…
Después de tanto trabajo y esfuerzo ha llegado nuestra recompensa.
A falta de 3 partidos ya hemos conseguido el billete para la fase de ascenso a LF.Challenge. 🤩🏀
Gracias a todos por vuestro apoyo 👏🏼💪🏼#VAMOSMARISTAS #ELSUEÑOCONTINÚA pic.twitter.com/bLY2vQssyY— Club Maristas Coruña (@MaristasCoruna) March 30, 2024
Felicidade no Maristas Coruña. Preocupación nas ringleiras do Mariscos Antón AD Cortegada. Cara e cruz do deporte. O triunfo das coruñesas no duelo de rivalidade galega na LF2 coloca ás herculinas matematicamente na fase de ascenso á Liga Challenge. No caso das vilagarcianas esa mesma meta complícase precisamente con esta derrota, clara e dura. Máis aínda coa vitoria do Mipelletymas BF León na cancha do ADBA Sanfer por un marcador de 45-53.
O marcador deixa claro o dominio das coruñesas do Maristas Coruña durante todas as fases do partido. Os parciais de todos os cuartos foron para as locais. E a diferencia final no marcador electrónico. É certo que en tres dos catro tempos o equipo de Vilagarcía non foi quen de chegar aos 10 puntos, pero esa falta de acerto visitante e o bo tino local, foi máis froito dun grande acerto na visión do Maristas Coruña que foi superior en todos os ámbitos do xogo, que demérito do Mariscos Antón AD Cortegada.
¡¡FINAAAAL!!!
66-38¡¡ESTAMOS EN LA FASE!!
¡¡ENHORABUENA CHICAS!! 👏🏼💪🏼🏀 pic.twitter.com/uDB5lkP89u— Club Maristas Coruña (@MaristasCoruna) March 30, 2024
FICHA TÉCNICA
66) MARISTAS CORUÑA (16+15+20+15): Arfinengo (2), Basaez (14), Filgueira (6), Pérez (15) e Vulovic (14) – quinteto inicial -, Feijoo (2), Glán (8), Razo (3), Botana e Velasco (2).
38) MARISCOS ANTÓN AD CORTEGADA (9+6+14+9): Blanca Manivesa (1), Ángela Coello (13), Stojanovska (11), Ángela González (4) e Diaw Absatou (3) – quinteto inicial -, Lauren Loven (3), Inés Yubero, Lorena Castro, Marta Sanmartín (1), Iria Losada (2) e Nerea Arambarri.
MARCADOR POR CUARTOS: 16-9, 31-15, 51-29 e 66-38.
EQUIPO ARBITRAL: Andrés Esteban e Julián Rico. Pitaron 15 faltas persoais ao Maristas Coruña e 16 ao Mariscos Antón AD Cortegada. Nonhoubo xogadoras eliminadas por faltas persoais.
INCIDENCIAS: Partido correspondente á 24ª xornada na LF2 disputado no Colegio Maristas da Coruña.
Ya tenemos nuestro billete para la fase de ascenso a LF.Challenge 🎟️🔜🤩
¿te vienes?#ELSUEÑOCONTINUA #VAMOSMARISTAS pic.twitter.com/xyuEThZIjl— Club Maristas Coruña (@MaristasCoruna) March 31, 2024
Perde o CB Arxil
No CGTD o CB Arxil caía derrotado pola mínima ante o Homs UE Mataró Femení Maresme (68-69). Logo de cinco xornadas consecutivas vencendo chegoulle o momento da derrota ás verde que adestra Maite Méndez. O CB Arxil xa está clasificado para disputar a fase de ascenso á Liga Challenge e mantense na terceira posición da táboa na LF2.
Os resultados por cuartos foron: 22-20, 7-22, 22-17 e 17-10. Foi o segundo tempo de xogo o que fixo perder o pé ás galegas diante das catalás. Pagaron caro as xogadoras do CB Arxil ese segundo cuarto e pese a que á volta de vestiarios apretaron ata o final do partido, quedaron a unha canasta do triunfo.
