Co obxectivo do ascenso de LF2 a LF Endesa conseguido, o BAXI Ferrol confirma a renovación do seu adestrador, Lino López. Segundo informa o propio club ferrolán, o técnico seguirá no banco e como director deportivo ata xuño do 2025.
O BAXI aposta por López como un estandarte para “asegurar o futuro”, poñendo o foco en “sentar unhas bases firmes”. O adestrador dirixiu a un plantel que realizou unha tempada de 10, con cero derrotas na liga regular e no play off polo ascenso.
La mejor forma de asegurar el futuro es centrar el foco y sentar unas bases firmes.
Lino López seguirá siendo entrenador y director deportivo del BAXI Ferrol hasta junio de 2025.
Un orgullo y un placer @linolopez04 #DisfrutarDelCamino #familiaUniFerrol pic.twitter.com/BcqIL6KrpW
— Baxi Ferrol (@UniFerrol) April 20, 2021
Despois do último partido disputado neste tempada 2020/2021, Lino López expresaba o seu orgullo polas xogadoras e o club, así como a súa paixón polo baloncesto.
Lino López: “É unha sensación irrepetible. Por iso son adestrador e amo o baloncesto”
O adestrador do BAXI Ferrol xa ten experiencia coas galegas na máxima categoría, así como con outro equipo, o Perfumerías Avenida, co que participou tamén na Euroleague. O ferrolán ademais é a única persoa que participou en todas as competicións FEB, xa fora como xogador ou como técnico.
O regreso de López ao seu Ferrol natal produciuse na tempada 2019/2020, co obxectivo do ascenso pausado pola pandemia. Á seguinte oportunidade o plantel da cidade departamental non defraudou e as ferrolás xa son equipo de primeira.