O BAXI Ferrol segue dando forma ao seu proxecto para a tempada 2021/2022 e anuncia a renovación do seu preparador físico, Sergio Jaurena. O técnico seguirá encargándose desta faceta do equipo ferrolán durante as súas próximas tempadas.
Segundo informan desde o club, o bo traballo do cántabro na espectacular tempada de 10 das galegas, foi determinante á hora das negociacións para que Jaurena siga vinculado ao BAXI Ferrol. Como ambas partes estaban interesadas en continuar traballando xuntas, a renovación realizouse sen problemas.
Así, Sergio Jaurena seguirá formando parte do equipo de Lino López na máxima categoría do baloncesto español. O preparador xa comezou a organizar o traballo do seguinte curso, nunha campaña “moito máis esixente pola entidade dos rivais”.
Ademais do seu traballo co primeiro equipo, o cántabro encargarase de coordinar a preparación física dos equipos da base nestes dous seguintes anos.
