- A Comisión Delegada da Real Federación Galega de Fútbol aproba o inicio das competicións autonómicas nun formato exprés con ascensos, pero sen descensos.
- A inscrición será voluntaria e abrirase un novo prazo e a tempada poderá durar máis aló do 30 de xuño.
- Actívanse as categorías femininas 1ª División Feminina e Liga Galega Infantil Feminina, no caso do fútbol, e no futsal a Preferente feminina, Liga Galega Xuvenil feminina, Liga Galega Cadete feminina, Liga Galega Infantil feminina e Liga Galega Alevín feminina.
Logo do anuncio da Xunta de Galicia, a través do seu presidente, Alberto Núñez Feijóo, de que se permitía retomar a competición autonómica. As diferentes federacións están a dispór como e cando se realiza esa renudación ou incluso inicio das distintas competicións. No caso do fútbol, a Real Federación Galega de Fútbol (RFGF) vén de comunicar que opta por un formato exprés que non terá descensos pero si ascensos e no que as competicións se retomarán, na súa meirande parte, no mes de marzo.
Así, a Federación Galega de Fútbol comunica que a finais do vindeiro mes de marzo regresarán á competición as principais categorías autonómicas do fútbol e o fútbol sala feminino. Farano nun formato rápido, cunha duración de 10 a 16 semanas, e tomouse a decisión de que haberá ascensos pero non descensos.
A entidade presidida por Rafael Louzán toma esta decisión despois do dictame emitido pola Xunta de Galicia no último DOG, que permite retomar as competicións federadas a nivel autonómico. A RFGF entende que as condicións son diferentes ás aprobadas pola Comisión Delegada en xaneiro, e por iso elevou este venres unha nova proposta ao órgano representativo da Asemblea Xeral para a súa aprobación.
Neste sentido, explica a federación galega que “a Orde do 15 de febreiro de 2021 da Consellería de Sanidade pola que se dispón a prórroga e a modificación das medidas de prevención específicas previstas na Orde do 26 de xaneiro de 2021, veu a modificar a situación do fútbol galego permitindo a práctica da actividade deportiva federada de ámbito autonómico cunha serie de condicionantes”.
Coa orde de 26/01/21 as medidas de prevención postas en marcha como consecuencia da evolución da situación epidemiológica de Galicia, derivada da pandemia de COVID-19, derivaron na suspensión das competicións deportivas de ámbito autonómico. Outra consecuencia, tal e como subliña a RFGF, foi que se fixo imposible a preparación ao estar os adestramentos sometidos a limitacións. A nova orde, do 15/02/21, tamén a consecuencia da evolución da pandemia de COVID19 en Galicia, permite a práctica da actividade deportiva federada de ámbito autonómico, aínda que cunha serie de condicionantes.
A paralización da actividade deportiva federada na nosa comunidade autónoma preto de catro semanas, tratoca a configuración das competicións que ían comezar. De aí que a RFGF considere que se impide a disputa das mesmas co formato inicialmente aprobado pola Comisión Delegada da Asamblea Xeral.
Na opinión da RFGF esta situación “debe reconducirse en atención ás competiciones autonómicas interconectadas con outras da RFEF”. Este novo escenario “obriga á celebración destas competicións de Liga para poder outorgar os correspondentes ascensos e recibir os descensos das mesmas, sen soslaiar o principio de igualdade competitiva que debe primar nas competicións federadas e que obriga ao seu traslado ao resto de competicións autonómicas”, detalla a federación galega.
Deste xeito, e en base á decisión adoptada polo Comité Clínico e publicada pola Xunta de Galicia no DOG, a Real Federación Galega de Fútbol decidiu “retomar a activación das principais categorías autonómicas que xa tiñan o inicio programado para finais de xaneiro antes da suspensión temporal de todo o deporte galego por parte da Xunta de Galicia”. Pero, segundo apunta a RFGF, “como a situación mudou logo destas case catro semanas de paralización, a Real Federación Galega de Fútbol entende que as condicións son diferentes ás aprobadas pola Comisión Delegada en xaneiro, e por iso elevou este venres unha nova proposta ao órgano representativo da Asemblea Xeral para a súa aprobación”.
Novo prazo de inscrición voluntaria
A Federación Galega de Fútbol informa ademais de que abre un novo prazo de inscrición voluntaria dos equipos e incide en que, aqueles que decidan non facelo, non terán consecuencias disciplinarias. O prazo comeza hoxe, venres 19 de febreiro, e manterase aberto ata as 23:59 horas do vindeiro venres día 26 de febreiro.
A proposta que se vai levar a Asemblea Xeral da RFGF consiste nas seguintes bases xerais do plan competicional das ligas activadas que fixo pública a federación:
- As competicións terán unha configuración exprés (duración de 10 a 16 semanas).
- Iniciaranse a finais de marzo as seguintes categorías:
- Fútbol: Preferente Galicia, 1ª División Feminina, Liga Galega Xuvenil, División de Honra Cadete, Liga Galega Cadete, Liga Galega Infantil e tamén se suma a Liga Galega Infantil Feminina.
- Fútbol Sala: Preferente masculina e feminina, Liga Galega Xuvenil masculina e feminina, División de Honra Cadete, Liga Galega Cadete masculina e feminina, Liga Galega Infantil masculina e feminina e Liga Galega Alevín masculina e feminina.
- Os efectos clasificatorios das competicións tenderán a dirimir os correspondentes ascensos, pero sen descensos. Sin que iso impida a posibilidade de descensos administrativos a modo de sanción pola comisión de infraccións graves que teñen estipulado ese castigo: tres incomparecencias ou retirada do equipo unha vez inscrito e con calendario aprobado.
- Ábrese un novo prazo de inscrición voluntaria dos equipos con motivo da modificación substancial das condicións da competición, sen que a falta de inscrición de equipos teña consecuencias disciplinarias. No caso das categorías inicialmente activadas, este prazo comeza hoxe e manterase aberto ata as 23:59 horas do vindeiro venres día 26 de febreiro.
- Á vista da tardía data de inicio das competicións debido ás medidas adoptadas polas autoridades sanitarias a causa da pandemia, así como en previsión de posibles suspensións temporais por causas de forza maior, acórdase que o remate da tempada podería ir máis aló do 30 de xuño.
- Esta tempada 2020/2021 non haberá cobertura de vacantes no suposto de renuncias por non inscrición nas distintas categorías debido á necesidade de acomodar as categorías aos seus formatos anteriores ás circunstancias extraordinarias derivadas da pandemia.
- Esta tempada 2020/2021 non rexerá ningún límite de xornadas para que se permita o cambio da orde de campos prevista no artigo 104.1. g) do Regulamento Xeral. – Aprobado en reunión de Comisión Delegada de data 19 de xaneiro de 2021.
- Manteranse todas as axudas aprobadas pola Xunta Directiva da RFGF, sempre e cuando se manteñan as que a RFEF traslada á RFGF. En caso contrario, estas axudas adaptaranse ás cantidades recibidas pola RFGF.
- En atención ás distintas casuísticas que pueden xurdir diante da falta de inscrición dos clubs e a non iniciación dalguna competición de liga (situacións que inciden de xeito directo e frontal sobre certos aspectos reglamentarios no ámbito das licencias federativas e a relación dos clubs e os seus futbolistas) a Comisión Delegada tense visto obrigada a modificar, con carácter excepcional e transitorio, certos artigos do Regulamento Xeral da RFGF en relación ao vínculo da licencia federativa entre o/a xogador/a e o club.
Reunións cos comités para mirar de activar máis categorías de fútbol e futsal
No referente ás demais categorías, a RFGF “consultará cos distintos comités na próxima semana para tomar decisión relativas a unha posible activación, reuníndose co Comité de Fútbol Base o luns e cos de Fútbol Feminino e Fútbol Sala o martes. En todo caso só se activarían si se dan as condicións sanitarias e competicionais para elo”.
⚠️ | A Comisión Delegada da RFGF aproba o inicio das competicións autonómicas ́ ,
➡️ O inicio está previsto para finais de marzo
https://t.co/HMr8AQEMxr pic.twitter.com/YBaUmKbvog
— RFGF (@futgal) February 19, 2021
