O presidente da Xunta de Galicia, Alberto Núñez Feijóo, anunciou na súa comparecencia pública tras reunirse co comité de expertos, que desde o mércores 17 de febreiro de 2021, Galicia poderá retomar a competición autonómica federada. A situación da pandemia de COVID-19 en Galicia mellora pero non abondo como para levantar todas as restricións.
O máximo dirixente autonómico tamén anunciou a reapertura de instalacións deportivas ao aire libre para a práctica do deporte individual. Outras instalacións, como ximnasios, terán que esperar aínda para a súa reapertura.
Alberto Núñez Feijóo confirma que se manteñen os peches perimetrais de municipios.
Segundo o presidente autonómico galego a situación sanitaria mellora, as medidas funcionan, pero aínda non o suficiente como para levantar todas as restricións, algo que se irá facendo aos poucos, polo que o resto de límites impostos ao deporte galego semanas atrás, seguirán vixentes.
Levantamento de restricións non deportivas
Máis aló do deporte, informouse de que, tamén a partir do mércores 17 de febreiro, o comercio poderá retomar o seu horario e abrir cun límite do 50% aforo. Mantense a prohibición de abrir os centros comerciais nas fines de semana.
Abriranse tamén resstaurantes de estacións de servizo para dar servizo, por exemplo, a persoas profesionais do transporte.
No caso da cultura, cines, teatros, bibliotecas, museos, salas de exposicións poderán retomar a súa actividade cun límite para o seu aforo dun 30%.
