O presidente o da Xunta de Galicia, Alberto Núñez Feijóo, vén de facer públicas as novas restricións que entrarán en vigor en Galicia, en principo, a partir da media noite do martes ao mércores e estarían en vigor (salvo cambio na situación sanitaria) ata o 17 de febreiro, é dicir, logo do Entroido. Estas medidas afectan ao deporte na nosa comunidade que terá novas limitacións.
Segundo trasladou o máximo mandatario galego en rolda de prensa, mantense a suspensión das competicións de ámbito autonómico como mínimo tres semanas, puidendo seguirse competindo no ámbito nacional e internacional.
Todos os acontecementos deportivos (de calquera ámbito) deberán celebrarse sen público, a porta pechada en toda Galicia, incluso os de ámbito estatal, trasladou en comparecencia ante os medios o presidente da Xunta, Alberto Núñez Feijóo.
So se permite a práctica deportiva individual ao aire libre e sen saír dos límites do propio concello. Ademais, péchanse ximnasios e o outros centros para practicar deporte en interiores.
Máscara obrigatoria para correr na rúa
Explicou tamén o presidente da Xunta que será obrigatorio levar máscara tamén para correr na rúa aínda que se poidese garantir os dous metros de separación.
Consultado sobre a súa postura sobre unha posible suspensión de competicións de ámbito supra autonómico, lembrou que sería un perxuízo para as deportistas galegas se so parasen elas, pero que está aberto a consensuar medidas de xeito común no deporte en todo o estado. Neste sentido lembrou que en Galicia xa hai meses que se piden PCRs para limitar o contaxio, pero que non acontece en toda España.
O toque de queda mantense ás 22:00 horas no horario nocturno. Toda a comunidade autónoma galega pasa a nivel máximo de restrición e se aplica en todos os concellos o peche perimetral municipal.
