Despois de perder ante o colista, o Cidade de As Burgas GLS cae tamén ante o líder do Grupo A da Primeira División. O rival desta 16ª xornada era o Futsi Atlético Navalcarnero, un conxunto que nin falla nin perdoa. O resultado final foi dun contundente 9-0.
A gran diferenza de calidade quedou patente sobre a pista, nun partido no que as galegas non tiveron nin opcións de respostar á pegada madrileña.
As xogadoras do conxunto ourensá sucumbiron ante unhas líderes que están a outro nivel de xogo e que avanzan nesta tempada sen atopar rival na pista. As de Navalcarnero levan meses sen perder e non acostuman a levantar o pé do acelerador nin a renunciar ao seu olfato de gol aínda que vaian gañando comodamente á súas rivais.
Iso foi o que lle pasou ao Cidade de As Burgas GLS que deu en perder por un rotundo 9-0. O Futsi Atlético Navalcarnero ten 57 goles a favor e so doce en contra. É, con diferencia, o equipo máis goleador e o menos goleado. Case medio cento (45) de tantos de diferencia entre goles encaixados e endosados, falan da súa efectividade en defensa e en ataque.
Nin sequera foi este 9-0 a maior goleada da tempada nesta categoría. Esa marca está no partido entre Xaloc Alacant e FSF Móstoles que rematou 2-11.
O Futsi golpea primeiro
Dez minutos aguantaron as pupilas de Manolo Codeso co seu marcador a cero, pero unha vez as locais abriron a lata non deixaron de anotar. Os goles foron caendo un tras outro.
A presión do Futsi Atlético Navalcarnero foi suficiente para quebrar ao conxunto ourensán, que encaixou o primeiro tanto da man de Laura Córdoba no minuto dez e repetiría no minuto 15. Sen máis ocasións por parte das locais, e cun Cidade de As Burgas que estaba perdido sobre o parqué, se chegaba o descanso do partido en Navalcarnero.
O Cidade de As Burgas quedou bloqueado
A madrileña Laura Córdoba anotou os tres primeiros goles, logrando así asinar un hat trich uns minutos despois da reanudación do encontro. Ao encaixar ese terceiro tanto, sentenciouse o partido. Calquera esperanza que tiveran as galegas de remontar, desaparecía ante a actuación das actuais líderes, intratables sobre a pista.
Como a súa natureza é de loita e de non tirar a toalla nunca, o cadro visitante loitaba por meterse no partido e xerar xogadas de perigo, pero sen sorte. O cuarto do Futsi chegaría no minuto 32, obra de Ariane, quen tamén marcaría no 35.
O abultado resultado era un obstáculo moi grande de salvar para un agotado Cidade, que xogaba xa sen ideas. A falta de ritmo pasou factura e as locais aproveitaron o baixo estado das galegas para facer o sexto, anotado por María Sanz. Sen tempo para a recuperación, e co duelo a piques de rematar, chegarían o sétimo, obra de Leti, e oitavo, de Ju Delgado, xa no minuto 39.
Por se non fora suficiente, tamén no minuto 39 Leti rematou e marcou o que xa sería noveno e último gol do Futsi Atlético.
FICHA TÉCNICA
9) FUTSI ATLÉTICO NAVALCARNERO: Belén (P), Carina Solange, Ana Luján, Lorrana e María Sanz – quinteto inicial -. Tamén xogaron: Ariane, Leticia, Irene, Ju Delgado, Amelia, Gabriela e Laura Córdoba.
0) CIDADE DE AS BURGAS: Iria (P), Clara, Sonia, Nahir e Lucía Nespereira – quinteto inicial -. Tamén xogaron: Ana, Sol Pedrera, Maria Amelia e Canolich.
GOLES: 1-0 Laura Córdoba (min. 10); 2-0 Laura Córdoba (min. 15); 3-0 Laura Córdoba (min. 22); 4-0 Ariane (min. 32), 5-0 Ariane (min. 35); 6-0 María Sanz (min. 37); 7-0 Leti (min. 38); 8-0 Ju Delgado (min. 39) e 9-0 Leti (min. 39).
ÁRBITROS: Del Olmo, Machado e Hernández.
INCIDENCIAS: Partido correspondente á 16ª xornada do Grupo A da Primeira División Nacional Feminina de Fútbol Sala RFEF, disputado na pista de La Estación.
