O Dépor ABANCA ten por diante a xornada máis difícil da tempada. As deportivistas viaxan a Cataluña para enfrontarse o sábado, 17 de abril, ás 12:00 horas ao FC Barcelona, no Estadi Johan Cruyff (Teledeporte).
Non o terán nada doado as coruñesas para facer fronte ás blaugranas, o mellor equipo da competición. As catalás son líderes indiscutibles, con 22 de 22 vitorias o que as fai merecedoras de 66 puntos.
No outro extremo da táboa están as galegas do Dépor ABANCA, que só suman 17 puntos ao ter perdidos 17 dos 24 encontros disputados.
O rival máis complicado da Liga Iberdrola
No apartado goleador, as locais son claramente superiores, con 90 tantos marcados, con Jenni Hermoso como máxima anotadora, fronte a 3 encaixados.
Pola súa banda, as deportivistas móvense en cifras moi distintas, con 23 a favor e 54 en contra. Peke é a mellor artillera do Dépor ABANCA, cun total de 7 goles na presente campaña.
En palabras do adestrador Manu Sánchez, este é o “peor rival posible desta competición”. Un hándicap ao que se engade a fraxilidade do plantel branquiazul, que viaxa con varias baixas.
Manu Sánchez: “O Barcelona é o ‘peor rival’ que podes ter nesta competición”
Oportunidade para as canteranas do Dépor ABANCA
Alba Merino e Ainoa Campo están sancionadas por unha acumulación de amonestacións tras o partido ante o Real Madrid e Kika e Carolina Arbeláez están en proceso de recuperación das súas lesións. Tampouco estarán Athenea, Gaby, Noe Bermúdez ou María Figueroa.
Cun equipo mermado, Manu Sánchez tirará de canteira para facer fronte ao temible Barça. Nesta convocatoria, un total de seis xogadoras do equipo B (Jessica, Sara Álvarez, Carlota, Patri López, Eva Dios e Tati) conforman a lista e poderán optar a minutos no campo catalán.
Estas futbolistas da base chegan a esta xornada da Liga Iberdrola sen o parón que sufriu o primeiro equipo do Dépor ABANCA na última fin de semana. As de Sánchez non puideron competir ante o Atlético de Madrid ao detectar as madrileñas varios casos de COVID-19.
Catro positivos por COVID-19 aprazan o Atlético de Madrid – Deportivo ABANCA
Pola contra, as canteiras convocadas foron titulares no once formado por Kevin Cabado para competir contra o Oviedo Moderno CF B, na primeira xornada da fase de ascenso a Reto Iberdrola.
Así queda a convocatoria branquiazul:
- 1. Sullastres
- 3. Villegas
- 4. Blanco
- 5. Iris Arnaiz
- 6. Michelle
- 14. Helena
- 15. Bedoya
- 16. Lady
- 18. Peke
- 22. Cris Martínez
- 23. Sara Álvarez
- 24. Carlota
- 25. Jessi
- 26. Patri López
- 27. Eva Dios
- 30. Tati
