Ante o FC Barcelona, no Estadio Johan Cruyff, Dépor ABANCA vai presentarse cun “equipo inédito”, na Liga Iberdrola. Así o adiantaba o seu adestrador, Manu Sánchez en rolda de prensa. Non lle queda outra. A cantidade de baixas que acumula o club deportivista obriga a poñer sobre o terreo de xogo “ante o ‘peor’ rival posible desta competición”, como tamén apuntaba o técnico branquiazul, un equipo atípico. Con todo, o Dépor ABANCA viaxa coa idea de “tentar dar unha sorpresa, temos que crer, temos que intentalo”, dicía Manu Sánchez.
O conxunto galego está “bastante cargado de lesións e de situacións que nos complican a rutina diaria”, advertía en rolda de prensa Manu Sánchez.
Por se fose pouco, o partido ante mellor equipo da categoría neste curso chega nun momento estrano da tempada. “Á semana de parón FIFA engadíuselle a xornada de suspensión do partido ante o Atlético de Madrid”. Deste xeito, tal e como destacaba o adestrador deportivista o equipo coruñés leva “practicamente un mes sen competir. Non é o máis adecuado para o que temos diante, pero dentro do que hai, temos que subrayar que as xogadoras están co bo ánimo. Está traballando ben. Esta é a realidade que temos agora”.
As ausencias do Dépor ABANCA ante o FC Barcelona
Problemas físico, sancións… todo se lle xunta ao Dépor ABANCA. Para esta xornada, diante do FC Barcelona, Manu Sánchez non poderá contar con Alba Merino e Ainoa Campo, sancionadas por acumulación de cartóns (non puideron cumplir sanción ante o Atlético de Madrid ao adiarse o partido).
Carolina Arbeláez segue inmersa nun longo proceso de recuperación, Gaby ten unha lesión muscular no tríceps sural. A futbolista internacional venezolana, “Kika lesionouse coa Selección. Tiñamos a María Figueroa, que estaba entrando moi ben desde o equipo B, pero arrastra problemas musculares. Imos sacar un equipo inédito para Barcelona. Tenemos bastantes problemas para compoñer o equipo.
#AsNosas convocadas para 26ª xornada de #PrimeraIberdrola. O sábado ás 12:00 h. (📺 @TeleDeporte) no Estadi Johan Cruyff: #FCBFemeníDÉPORABANCA#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/EMRiVaMvvc
— RC Deportivo (@RCDeportivo) April 15, 2021
Un total de seis futbolistas da canteira deportivista están convocadas para este partido a disputarse en terras barcelonesas o vindeiro sábado ás 12:00h. Trátase das xogadoras do filial: Jessica, Sara Álvarez, Carlota, Patri López, Eva Dios e Tati serán da partida. O segundo equipo branquiazul tamén se está a xogar moito xa que neste momento da competición loita polo título no 1C da Primera Nacional.
Pese ás numerosas ausencias que tendrá el Deportivo ABANCA este sábado diante do FC Barcelona, o técnico branquiazul, Manu Sánchez, advirte: “levamos toda a temporada inventando, tratando de buscar solucións. Xa teño dito que levamos todo o ano no barro e xa estamos afeitos a traballar nesa situación. Esta é unha situación máis extrema se cadra, con moi poucos efectivos para competir”.
Así e todo, desde o banco coruñés Manu Sánchez é positivo: “Coido que as xogadoras que están dispoñibles entenden ben cal é a idea do partido para o sábado. Imos intentar dar unha sorpresa”.
Lembrando o gran partido realizado polo Dépor ABANCA a pasada tempada ante o FC Barcelona na Copa da Raíña, Manu Sánchez pide “mirar cara a diante. Ser valentes porque a situación que temos é a necesidade de puntuar. Non podemos mirar cara a os rivais que temos. Falar do FC Barcelona, é falar dunha utopía na situacióin na que estamos, pero temos que crer. Temos que intentalo”, engadía o adestrador deportivista na rolda de prensa previa ao partido coas blaugranas.
O RC Deportivo ABANCA tiña previsto viaxar esta tarde cara a Cidade Condal e levar a cabo unha sesión de activación en el hotel.
