A detección de catro casos positivos de COVID-19 no Atlético de Madrid fai que o cruce co Dépor ABANCA se adíe. O encontro, pertencente á xornada número 25 da Liga Primera Iberdroa, estaba fixado para mañá, sábado 3 de abril ás 12:00 horas, no terreno de xogo da Ciudad Deportiva Wanda Alcalá de Henares
Agora o partido entre o Atlético de Madrid e o RC Deportivo ABANCA terá que buscar nova data de celebración xa que o protocolo de prevención da COVID-19 obriga ao illamento das persoas que teñen contacto directo cun positivo en coronavirus.
As persoas positivas son: Duggan, Knaak, Majarín, mailo técnico Sánchez Vera
Segundo informa na súa páxina web o Atlético de Madrid, as futbolistas que están afectadas polo positivo son Toni Duggan, Turid Knaak e Majarín. Ao parecer, as tres deron positivo hoxe venres 2 de abril nos test que seguindo os protocolos, se realizaron previamente ao partido con Dépor ABANCA do sábado.
O equipo madrileño explica que estos tres novos positivos “súmanse ao do adestrador José Luis Sánchez Vera, que xa dera positivo o pasado luns”, son polo tanto catro as persoas infectadas por coronavirus no primeiro equipo feminino do club. Na súa información, o Atlético de Madrid apunta que tanto as futbolistas como o entrenador “permanecen illados nos seus respectivos domicilios seguindo os protocolos das autoridades sanitarias”.
Precisamente Toni Duggan, unha das xogadoras que lamentablemente está afectada polo coronavirus COVID-19, tiña sido a xogadora elixida polo club madrileño para ser entrevistada na previa do partido contra o RC Deportivo ABANCA.
ENTREVISTA
@toniduggan: ” á”
⚪ #AúpaAtleti | ⚽ #AtletiDepor pic.twitter.com/KFjY1PLuPO
— At. Madrid Femenino (@AtletiFemenino) April 2, 2021
O Dépor adéstrase mañá en Abegondo
O aviso do aprazamento do encontro (por parte do rival e da Real Federación Española de Fútbol) colleu ao Dépor ABANCA a piques de iniciar o traslado por estrada cara a Madrid. As deportivistas adestráronse esta mañá ás ordes de Manu Sánchez en Abegondo. O técnico deportivista programou unha nova sesión de adestramento mañá, sábado 3 de abril ás 10:30 na Cidade Deportiva de Abegondo, ante o adiamento do choque deportivo coas colchoneiras.
O xuíz de Competición da Real Federación Española de Fútbol (RFEF) é quen ten que fixar un novo día e hora para a celebración deste encontro da máxima categoría do fútbol feminino español.
Manu Sánchez: “Medímonos a un dos grandes equipos deste país aínda que non atravese un bo momento”
