O Cidade de As Burgas GLS estreou o seu marcador na anterior xornada, cun empate loitado contra o Teldeportivo. Agora teñen unha nova oportunidade que se prevé difícil para seguir sumando. O encontro correspondente á sétima xornada será contra o CD Futsi Atlético Féminas, o líder. A cita deportiva está fixada para o sábado, 28 de novembro, ás 17:00 horas.
As futbolistas galegas deron na sexta xornada o primeiro paso para saír da zona baixa da clasificación, onde son colistas con oito goles a favor pero 19 en contra. Unha situación case inversa para o Futsi Atlético. As xogadoras madrileñas son líderes ao puntuar nos cinco partidos que disputaron e sumar 22 goles a favor e só 5 goles en contra. Desta forma, suman 13 puntos acumulados tras catro vitorias.
Con todo, isto non desanima ás xogadoras do Cidade de As Burgas. O empate do anterior encontro deulles forza e ánimos para seguir traballando. Especialmente orgulloso mostrouse o seu adestrador, Manolo Codeso, que asegurou en declaracións posteriores ao duelo que este solitario punto dálles confianza ao conxunto ourensán.
Llevaba años sin disfrutar tanto .
Tengo una ilusión enorme con el equipo.
Empate 3-3 .
sensación de poder ganar una vez más,pero valoraremos nuestro primer punto .#seguimosalonuestro pic.twitter.com/KW32aIEg1x— Manolo Codeso (@mcodeso) November 21, 2020
Con todo, esta ilusión poderá verse truncada ante o complicado rival que teñen as futbolistas de As Burgas por diante. De todas formas, as madrileñas non poderán contar probablemente con Ju Delgado. A xogadora albivermella está xa na súa fase final de recuperación e recibiu a alta médica para incorporarse con moderación ás prácticas deportivas.
O partido desta sétima xornada, que terá lugar no pavillón Paco Paz de Ourense, terá que disputarse a porta pechada por mor das restricións sanitarias.