O Pescados Rubén Burela comeza imparable a segunda fase anotándolle unha goleada ás xogadoras do Ourense Envialia, no derbi galego que abría a segunda fase competitiva.
Cun 4-1 final as laranxas confirman o seu poderío na máxima división do futsal español, ante un conxunto ourensán que pelexou ata os intres finais.
Dominio do Burela na primeira metade
O partido deu comezo con Vane, Chiki, Jenny Lores, Iria Saeta e Laura Uña no quinteto titular do bando local e Dany, Peque, Cami, Ale de Paz e Sandra no visitante.
Desde os primeiros minutos de partido, as laranxas quixeron deixar constancia da súa pegada e o nivel que lles mereceu esta tempada do título do mellor equipo do mundo. Ante isto, o Envialia confiaba nas contras da man de Laura Uña, para ter a súa primeira ocasión. Porén, non foi quen de transformala, ao encontrarse con Sandra en portería.
Morenín viuse obrigado a mover ás súas xogadoras, facendo dous cambios desde o banco antes do minuto 5. Desta forma deu entrada a Sara Moreno e despois a María Arias, para facer fronte ás laranxas. Mentres, estas seguían presionando ás locais ata que no minuto cuatro estrearon marcador.
Cami foi a autora da xogada, roubando o balón e definindo ante a portería de Vane sen complicacións. O gol en contra obrigou ao adestrador do Envialia a efectuar o terceiro cambio, metendo a Judith na pista de Os Remedios.
Cun punto de distancia, o banco visitante tamén rotou ás súas, dando entrada a M. Cortés e Luisa Mayara no minuto 5 e a Bea Mateos só un minuto despois. Co conxunto renovado na cancha, o Burela seguía levando o bastón de mando no partido, ante un Ourense Envialia que intentaba xerar ocasións, pero sen éxito.
A tivo de novo o cadro laranxa, primeiro da man de Peque e despois de Jane. Polo bando local, unha contra de Jenny Lores buscou a Sara Moreno, que non chegou a tempo.
Sen opcións no Envialia, o Burela facía o que quería sobre a pista, xerando ocasións constantes cun ritmo alto de xogo. O partido calentábase cada vez máis pola rivalidade entre ambos conxuntos, e así chegaron dúas amarelas case consecutivas, a primeira delas a Ale de Paz, que tivo ocasión de marcar, e a segunda a Iria Saeta.
As ourensás librábanse por momentos da goleada grazas ás intercepcións nas liñas de defensa e as accións de Vane baixo paos. A propia gardameta evitou unha oportunidade moi clara de Jane, que a piques estivo de marcar o segundo laranxa.
Con dez minutos de xogo xa transcurridos, Morenín recurría ao tempo morto para atopar a clave e facer dano ao Burela.
O segundo tanto das mariñás sobrevoaba xa a meta local, con ocasións como a case asistencia de Peque a Cortés ou o disparo de Iria Saeta ao pao. Tamén tivo o empate a punto o Envialia, cun dobre penalti que non subiu ao marcador.
Quen si marcaría sería Peque xusto antes da pausa, cun gol en xogada con Cortés mediante un disparo cruzado desde a banda. Antes do descanso, o Burela puido poñerse a tres, cun lanzamento de Lara Balseiro, mentres que o Envialia ameazaba con abrir o seu casilleiro cun dobre penalti e un lanzamento de Iria Saeta.
Reacción local
Na segunda parte o gol laranxa non tardou moito en chegar e o fixo aos tres minutos da reanudación con Ale de Paz como autora. A propia xogadora, xunto coa capitá Peque, estivo rondando o cuarto tanto, igual que o farían minutos máis tarde Jane a pase de Mayara.
Antes diso, de novo Iria Saeta no Envialia supuxo unha ameza para a gardameta laranxa, aínda que o seu disparo marcharía pola liña de fondo. Jenny Lores tamén o intentaría cunha vaselina que non pasou entre os tres paos.
O Envialia confiaba nas contras como ocasións para anotar, pero a defensa laranxa era un muro forte que impedía que o balón tocase a rede. As burelistas dominaban sen problemas os tempos e o xogo, case sen pérdidas de balón.
Pero o maior susto para o Envialia chegaría no minuto 28, cando a recentemente recuperada Sara Moreno tiña que abandoar a pista tocada.
Coa xogadora fóra do partido, as ourensás seguiron pelexando á contra forzando a Jozi a intervir baixo paos, ata conseguir o seu primeiro tanto. Este chegaría, como non podía ser doutra forma, cun contraataque de Chiky aproveitado por Meri na segunda instancia e reducindo a brecha xa no tramo final do partido.
Cos ánimos recuperados, as locais buscaron o segundo gol, con Judith como xogadora máis destacada, mentres que o Burela seguía dominando malia as amarelas a Bea Matos e Ale de Paz, que foi expulsada.
Morenín pedía parar o cronómetro para dar indicacións ás súas e facer dano a unhas Guerreiras Laranxas imparables. Non o conseguiu e un minuto despois chegaría o cuarto gol mariñán, obra de Dany. Xa nos minutos finais as ourensás optaron polo xogo de cinco, pero xa era tarde para a reacción, e os tres puntos marcharon a Burela.
FICHA TÉCNICA
OURENSE ENVIALIA FSF: Vane, Laura Uña, Chiky, Jenny Lores, Iria Saeta, cinco inicial; tamén xogaron Sara Moreno, María Arias, Judith, Mery, Paula e Susana.
PESCADOS RUBÉN BURELA FS: Sandra Buzón, Dany, Peque, Cami, Ale de Pz, cinco inicial; tamén xogaron M. Cortés, Luísa Mayara, Bea Mateos, Jane, Elena Aragón, Lara Balseiro, Jozi Oliveira.
GOLES: 0-1, minuto 4, Cami; 0-2, minuto 16, Peque; 0-3, minuto 23, Ale de Paz; 1-3, minuto 31, Mery; 1-4, minuto 37, Dany.
ÁRBITROS: Vilas López // Menéndez Nistal (Galicia). Por Ourense amarela a Iria Saeta (minuto 10). Por Burela amarela a Ale de Paz (minuto 10 e 35), Bea Mateos (minuto 33)
INCIDENCIAS: Partido correspondente á xornada primeira da segunda fase de Primeira División Feminina no grupo que loita pola conquista do título de Liga da RFEF. O encontro disputouse no Pavillón dos Remedios de Ourense.
