- O equipo dirixido por Pablo Pérez recibirá hoxe sábado 9 de outubro na cancha do Pompeo ao equipo de Logroño CV D´Heluyar ás 20:00 h, na primeira xornada da liga de 1ª División Nacional de Voleibol.
O Aceites Abril (CVO) prepara a súa estrea ligueira fronte ao xa coñecido equipo de Logroño CV D´Heluyar. O polideportivo O Pompeo será o escenario dun debut ligueiro máis do Aceites Abril. Esta será a quinta tempada na 1ª División Nacional Feminina do voleibol estatal.
Para o conxunto ourensán será de gran importancia sumar tres puntos aprovenchando a oportunidade de xogar o primeiro partido en casa. Unha vitoria na primeira xornada suporía unha inxección de confianza importante para afrontar os duros enfrontamentos das primeiras xornadas.
O equipo logroñés finalizou na décima posición a tempada pasada, esta situación deixa cunha certa vantaxe ao equipo local, que non deberá confiarse xa que cada partido desta liga está marcado pola máxima igualdade entre os rivais a pesar das posicións na clasificación.
O Aceites Abril (CVO) retransmitirá o encontro en directo a través das súas redes sociais para todas as persoas que queiran gozar do mesmo.
Os equipos da canteira do Club Voleyourense tamén se estrean no Pompeo este sábado co seguinte calendario de partidos:
- Aceites Abril Xuvenil Feminino vs CV Oleiros 10:00h
- Aceites Abril Cadete Feminino vs CV Oleiros 11:30h
- Aceites Abril infantil Feminino vs CV Oleiros 13:00h
- Aceites Abril Xuvenil Masculino vs CV Riveira 16:30h
Tamén tocará desprazarse a Vigo no caso do CVO da liga Galega de 2ª División que se enfrontará ao CV Vigo no Pavillón Municipal de Coia ás 11:00 do domingo 10 de outubro.
